प्रभात वृत्तसेवा मंचर – मंचर नगरपंचायतीच्या निवडणुकीत नगरसेवक पदासाठी उमेदवारी दाखल करण्याच्या सहाव्या दिवशी एकूण २४ उमेदवारी अर्ज दाखल करण्यात आले. रविवार (दि. १६) दाखल झालेल्या अर्जांमध्ये नगराध्यक्ष पदासाठी अपक्ष व शिवसेना पक्षाकडून उमेदवारी अर्ज दाखल करण्यात आला असून विविध प्रभागांतील अपक्ष तसेच शिवसेना, राष्ट्रवादी, आम आदमी पार्टी या पक्षाच्या उमेदवारांचा समावेश आहे. यावेळी उमेदवारांनी मोठे शक्तिप्रदर्शन करीत अर्ज दाखल केला आहे. नगराध्यक्ष पदासाठी शिवसेना पक्षाच्या जागृती किरण महाजन यांनी अपक्ष उमेदवारी अर्ज दाखल केला असून मंचरचे माजी सरपंच दत्ता गांजाळे यांची पत्नी राजश्री दत्तात्रय गांजाळे यांनी शिवसेना पक्षाकडून उमेदवारी अर्ज दाखल केला आहे. अशी माहिती निवडणूक विभागाकडून देण्यात आली.नगरसेवक पदासाठी प्रभाग क्रमांक १ मधून सर्वसाधारण महिला गटातील वंदना कैलास बाणखेले यांनी अपक्ष तर स्वप्ना महेंद्र पिंगळे यांनी भाजपकडून उमेदवारी अर्ज दाखल केला आहे. प्रभाग क्रमांक २ मधून सर्वसाधारण महिला गटातून संगीता राजू बाणखेले यांनी शिवसेना पक्षाकडून तर पूनम फुरकान हकीम यांनी राष्ट्रवादी पक्षाकडून उमेदवारी अर्ज दाखल केला आहे. प्रभाग क्रमांक ३ मधून अनुसूचित जमाती गटातून अनंथा निंबाजी गवारी यांनी राष्ट्रवादी तर लक्ष्मण मारुती पारधी यांनी शिवसेना पक्षाकडून उमेदवारी अर्ज दाखल केला आहे. प्रभाग क्रमांक ४ मधून सर्वसाधारण जागेसाठी अजिंक्य आनंद थोरात यांनी अपक्ष उमेदवारी अर्ज दाखल केला आहे. प्रभाग क्रमांक ५ मधून सर्वसाधारण जागेसाठी काजल चेतन डावखरे यांनी अपक्ष उमेदवारी अर्ज दाखल केला आहे. प्रभाग क्रमांक सहामधून सर्वसाधारण जागेसाठी सलीम बशीर इनामदार यांनी आम आदमी पार्टीकडून तर अरुण बाबुराव बाणखेले यांनी शिवसेना पक्षाकडून उमेदवारी अर्ज भरला आहे. प्रभाग क्रमांक सातमधून अनुसूचित जाती या जागेसाठी राहुल उत्तम थोरात यांनी शिवसेना पक्षाकडून उमेदवारी अर्ज भरला आहे. प्रभाग क्रमांक आठमधून सर्वसाधारण जागेसाठी सय्यद आदिल अब्बास तहेजीब अब्बास यांनी अपक्ष उमेदवारी अर्ज भरला आहे. प्रभाग क्रमांक ११ मधून नागरिकांचा मागास प्रवर्ग जागेसाठी धनेश देवराम मोरडे, परशुराम ज्ञानेश्वर भेके यांनी अपक्ष तर बाजीराव शंकर मोरडे, विठ्ठल मोरडे यांनी शिवसेना पक्षाकडून उमेदवारी अर्ज भरला आहे. प्रभाग क्रमांक १२ मध्ये नागरिकांचा मागास प्रवर्ग महिला जागेसाठी मालती जितेंद्र थोरात यांनी अपक्ष उमेदवारी अर्ज भरला आहे. प्रभाग क्रमांक १३ मधून नागरिकांचा मागास प्रवर्ग महिला या जागेसाठी सुप्रिया शिवप्रसाद राजगुरूव यांनी शिवसेना, तर अंजली निलेश बाणखेले यांनी राष्ट्रवादी पक्षाकडून उमेदवारी अर्ज दाखल केला आहे, प्रभाग क्रमांक १४ मधून नागरिकांचा मागास प्रवर्ग महिला जागेसाठी सोनाली विकास बाणखेले यांनी राष्ट्रवादी व अपक्ष तर रुपाली आनंद मेहेर यांनी शिवसेना पक्षाकडून उमेदवारी अर्ज दाखल केला आहे. प्रभाग क्रमांक १५ मध्ये सर्वसाधारण जागेसाठी वैशाली अमोल बाणखेले यांनी शिवसेना पक्षाकडून उमेदवारी अर्ज दाखल केला आहे. प्रभाग क्रमांक १७ मध्ये सर्वसाधारण जागेसाठी कांचन अरूण थोरात यांनी शिवसेना पक्षाकडून उमेदवारी अर्ज दाखल केला आहे.
