Burglary News – निमगाव म्हाळुंगी (ता. शिरुर) येथे चोरट्यांनी भरदिवसा घराचा दरवाजा उचकटून कपाटातील सोन्याचे दागिने व रोख रक्कम चोरी केली. त्यामुळे परिसरात खळबळ उडाली असून शिक्रापूर पोलीस स्टेशन येथे चोरट्यांवर गुन्हा दाखल केला आहे. निमगाव म्हाळुंगी येथील रणदिवे वस्ती येथे अमोल काळकुटे यांच्या दोन मुली (दि.६) रोजी सकाळच्या सुमारास शाळेत गेलेल्या होत्या.

अमोल यांची पत्नी शेळ्या घेऊन शेतात गेलेली असताना अमोल हे देखील शेतात गेलेले होते. सकाळी दहा वाजण्याच्या सुमारास अमोलची आई देखील शेतात गेली. साडेदहा वाजण्याच्या सुमारास अमोल हे घरी आले असता त्यांना लांबून घराचा दरवाजा उचकटलेला दिसल्याने त्यांनी कुटुंबीयांना आवाज देत घराकडे पळत जाऊन पाहणी केली असता घरातील कपाट उघडे होते.

सर्व साहित्य अस्ताव्यस्त पडल्याचे दिसून आल्याने त्यांनी घरात पाहणी केली असता घरातील तब्बल एकोणीस तोळे वजनाचे सोन्याचे दागिने व ४६ हजार रुपये रोकड चोरट्यांनी चोरी केल्याचे समोर आले. घटनेची माहिती पोलीस निरीक्षक चंद्रशेखर यादव यांना मिळताच पोलीस उपनिरीक्षक उमाकांत कुंजीर, जीनेश कोळी, पोलीस हवलदार अमोल दांडगे,

रोहिदास पारखे, श्रीमंत होनमाने, नारायण वाळके, मच्छिंद्र निचित, राम जाधव यांसह आदींनी घटनास्थळी हेत देऊन पंचनामा करत पाहणी केली. घटनेबाबत अमोल सोपान काळकुटे यांनी शिक्रापूर पोलीस स्टेशन येथे फिर्याद दिली आहे. पुढील तपास सहाय्यक पोलीस निरीक्षक राहुल देशमुख हे करीत आहेत.