Bollywood’s Richest Actress Daughter : बॉलीवूडमध्ये स्टारकिड्सची नेहमीच चर्चा असते. अनेक सेलिब्रिटींची मुलं आई-वडिलांच्या पावलावर पाऊल ठेवत अभिनय क्षेत्रात पदार्पण करतात. मात्र बॉलीवूडमधील सर्वात श्रीमंत अभिनेत्रीची लेक या झगमगाटापासून दूर राहणं पसंत करते. ही अभिनेत्री म्हणजे ९०च्या दशकातील लोकप्रिय अभिनेत्री जुही चावला.

जुही चावला या भारतातील सर्वात श्रीमंत बॉलीवूड अभिनेत्री असून, हुरुन इंडियाच्या २०२५ च्या श्रीमंतांच्या यादीत त्यांचा टॉप २० मध्ये समावेश आहे. वृत्तानुसार, जुही चावला (Juhi Chawla) यांची एकूण संपत्ती सुमारे ७,७९० कोटी रुपये इतकी आहे. या संपत्तीमागे त्यांचे पती आणि प्रसिद्ध उद्योगपती जय मेहता यांचा मोठा वाटा आहे.

 

View this post on Instagram

 

A post shared by JJM (@jahnavi_mehta)

जुही चावला आणि जय मेहता यांना जान्हवी मेहता ही मुलगी आणि जय मेहता जूनियर हा मुलगा आहे. जान्हवी मेहता यांनी आईप्रमाणे अभिनय क्षेत्र निवडलेले नाही. जान्हवीचा जन्म २१ फेब्रुवारी २००१ रोजी झाला असून, तिने अमेरिकेतील कोलंबिया विद्यापीठातून पदवी शिक्षण पूर्ण केले आहे. ती सध्या व्यवसाय क्षेत्रात सक्रिय असून, लाइमलाइटपासून दूर राहणं पसंत करते.

जय मेहता यांचा मेहता ग्रुप अमेरिका, कॅनडा, युगांडा आणि केनिया यांसारख्या देशांमध्ये व्यवसाय करतो. विशेष म्हणजे, १९९९ मध्ये जुही चावला, जय मेहता आणि शाहरुख खान यांनी एकत्र येऊन ‘ड्रीम अनलिमिटेड’ ही निर्मिती संस्था सुरू केली होती, जी आज रेड चिलीज एंटरटेनमेंट( Entertainment) म्हणून ओळखली जाते. शाहरुख खानचे अनेक गाजलेले चित्रपट याच बॅनरखाली तयार झाले आहेत.

Juhi Chawla daughter Jahnavi

याशिवाय, मेहता ग्रुप हा शाहरुख खानच्या आयपीएल संघ कोलकाता नाईट रायडर्सचा भागधारक आहे. जान्हवी मेहता अनेकदा आपल्या वडिलांसोबत आयपीएल लिलावात सहभागी होताना दिसते. मिळालेल्या माहितीनुसार, जान्हवी मेहता सुमारे ४,६०० कोटींच्या संपत्तीची वारसदार आहे.

बॉलीवूडपासून दूर राहूनही, संपत्ती, शिक्षण आणि व्यवसायाच्या जोरावर जान्हवी मेहता सध्या देशातील चर्चेत असलेल्या स्टारकिड्सपैकी एक ठरत आहे.