bollywood news । अभिनेत्री श्रिया सरनने आपल्या उत्कृष्ट अभिनयाची जादू साऊथ सिनेमापासून बॉलिवूडपर्यंत पसरवली आहे. अभिनेत्रीने तिच्या आतापर्यंतच्या कारकिर्दीत सर्व प्रकारच्या भूमिका अतिशय सुंदरपणे पडद्यावर साकारल्या आहे. तिचे चाहते जगभरात उपस्थित आहे, जे श्रियाला पडद्यावर पाहण्यासाठी नेहमीच उत्सुक असतात. सध्या श्रिया तिच्या ‘शोटाइम’ या वेब सीरिजमुळे चर्चेत आहे.

अलीकडेच श्रिया सरनने सांगितले की, या मालिकेच्या शूटिंगचा काळ तिच्यासाठी खूप कठीण होता, कारण यावेळी तिला तिच्या वैयक्तिक आयुष्यात काही आव्हानांचा सामना करावा लागला होता. तिने सांगितले की, मालिकेच्या शूटिंगदरम्यान तिची मुलगी राधाचा हात भाजला होता. ‘जेव्हा आम्ही या शोचे शूटिंग करत होतो, तेव्हा वैयक्तिकरित्या माझ्यासाठी खूप कठीण काळ होता.’

‘माझ्या मुलीचा हात भाजला होता, पण त्यावेळी ती सेटवर मला भेटायला आली तेव्हा मला शांती मिळाली, कारण मी खूप अस्वस्थ होते.  शो देखील खूप मनोरंजक आहे. यात बरेच काही चालू आहे. श्रियाने मार्च 2018 मध्ये तिचा रशियन बॉयफ्रेंड आंद्रेई कोशिवसोबत लग्न केले होते. यानंतर, अभिनेत्रीने जानेवारी 2021 मध्ये एका सुंदर मुलीला जन्म दिला.

श्रिया सरनसोबत ‘शोटाइम’मध्ये इमरान हाश्मी, महिमा मकवाना, मौनी रॉय, राजीव खंडेलवाल, विशाल वशिष्ठ, नीरज माधव, विजय राज आणि नसीरुद्दीन शाह यांसारखे स्टार्सही महत्त्वाच्या भूमिकेत दिसत आहे. सुमित रॉय निर्मित, हा शो डिस्ने प्लस हॉटस्टारवर ८ मार्चपासून प्रसारित होणार आहे.

हेही वाचा 
Bollywood News । वरुण-जान्हवी पुन्हा एकत्र