Blair Tickner Statement Virat Kohli Ahead Of Second ODI Wellington : भारताविरुद्धच्या पहिल्या एकदिवसीय सामन्यातील पराभवानंतर न्यूझीलंडचा वेगवान गोलंदाज ब्लेअर टिकनरने स्टार फलंदाज विराट कोहलीचे तोंडभरून कौतुक केले. दुसऱ्या एकदिवसीय सामन्यापूर्वी पत्रकारांशी संवाद साधताना टिकनर म्हणाला की, विराट कोहलीविरुद्ध गोलंदाजी करणे ही नेहमीच एक मोठी आणि आव्हानात्मक संधी असते. पहिल्या सामन्यात विराटने ५१ चेंडूंत ७४ धावांची वादळी खेळी करत भारताचा ५ गडी राखून विजय सुकर केला होता. किवी संघ पुढील सामन्यात जोरदार पुनरागमन करेल, असा विश्वासही त्याने व्यक्त केला.

‘विराटवर दडपण आणण्याचा प्रयत्न केला, पण…’; टिकनरने मांडली भूमिका

कोहलीच्या खेळीबाबत बोलताना टिकनर म्हणाला, “विराट सध्या जबरदस्त फॉर्मात आहे. कमी धावसंख्येचे लक्ष्य असतानाही त्याने मैदानात उतरताच आमच्यावर उलट दबाव निर्माण केला. आम्ही त्याची विकेट मिळवण्याचे आटोकाट प्रयत्न केले, पण त्याने दर्जेदार फलंदाजी केली. तरीही आम्हाला स्वतःच्या कौशल्यावर आणि त्याला बाद करण्याच्या क्षमतेवर पूर्ण विश्वास आहे. पुढील सामन्यात आम्ही त्याला लवकरात लवकर बाद करू अशी आशा आहे.” पहिल्या डावात फलंदाजांनी आणखी धावा उभारून भारतासमोर मोठे आव्हान उभे करायला हवे होते, अशी खंतही त्याने व्यक्त केली.

डेव्हॉन कॉनवे दुखापतीमुळे बाहेर; निक केलीला संघात संधी

🗣️Blair Tickner Press Conference: Will try to get Virat Kohli out early

#NZvIND #ODI
@CricSubhayan @BLACKCAPS #ViratKohli #PressConference https://t.co/WgXa5JiU0m

— RevSportz Global (@RevSportzGlobal) November 6, 2026

दुसऱ्या सामन्यापूर्वी न्यूझीलंडला मोठा धक्का बसला आहे. सरावादरम्यान डोक्याला झालेल्या दुखापतीमुळे सलामीवीर डेव्हॉन कॉनवे उर्वरित मालिकेतून बाहेर पडला आहे. याबाबत बोलताना टिकनर म्हणाला की, “कॉनवेची उणीव नक्कीच भासेल, परंतु त्याच्या जागी निक केली या युवा खेळाडूला स्वतःला सिद्ध करण्याची उत्तम संधी मिळाली आहे. जेव्हा जेव्हा संघात दुखापतींमुळे बदल करावे लागले, तेव्हा नवीन खेळाडूंनी नेहमीच पुढे येऊन चमकदार कामगिरी केली आहे.”

हेही वाचा – Sarfaraz Khan Catch : पहिल्या स्लिपमधून धावला अन् लेग स्लिपमध्ये हवेत उडाला! भावाच्या बॉलिंगवर सर्फराझचा ‘सुपरमॅन’ कॅच; पाहा VIDEO

पहिल्या सामन्यात पावसाचा व्यत्यय अन् भारताचा दणदणीत विजय –

पहिल्या सामन्यात भारतीय गोलंदाजांच्या त्रिकुटाने किवींचा डाव अवघ्या १८५ धावांवर गुंडाळला होता. भारताकडून अर्शदीप सिंगने ४, गुरनूर ब्रारने ३ आणि अंशुल कंबोजने २ विकेट्स घेतल्या होत्या. त्यानंतर पावसाच्या व्यत्ययामुळे डकवर्थ-लुईस (DLS) नियमानुसार ३२ षटकांत १४३ धावांचे सुधारित लक्ष्य भारतासमोर ठेवण्यात आले. विराटने ७४ धावा आणि कर्णधार शुबमन गिलने ३७ धावांची महत्त्वपूर्ण खेळी करत दुसऱ्या विकेटसाठी ११३ धावांची भागीदारी रचून भारताला दिमाखदार विजय मिळवून दिला.