Jammu Kashmir Election 2024 |  भाजपने सोमवारी 26 ऑगस्ट रोजी जम्मू आणि काश्मीर विधानसभा निवडणुकीसाठी उमेदवारांची पहिली यादी जाहीर केली होती. यात 44 उमेदवारांना वेगवेगळ्या जागांवर तिकीट देण्यात आले होते. मात्र, भाजपची पहिली यादी जाहीर झाल्यानंतर अवघ्या 2 तासांतच मागे घेण्यात आली आहे.

पक्ष आता या यादीत सुधारणा करणार आहे, त्यानंतर उमेदवारांची नवीन यादी जाहीर केली जाईल. भाजपची नवी यादी कधी येणार याबाबत पक्षाने कोणतीही माहिती दिलेली नाही. Jammu Kashmir Election 2024 |

BJP withdraws first list of 44 candidates released for upcoming J&K Assembly Elections; BJP to amend and release the list of candidates again pic.twitter.com/X9tqVoZ9Zv

— ANI (@ANI) August 26, 2024

भाजपने तिन्ही टप्प्यात होणाऱ्या निवडणुकांच्या यादीतील उमेदवारांची नावे जाहीर केली होती. यातील पहिल्या टप्प्यासाठी 15, दुसऱ्या टप्प्यासाठी 10 आणि तिसऱ्या टप्प्यासाठी 19 उमेदवारांची नावे जाहीर करण्यात आली होती. Jammu Kashmir Election 2024 |

जम्मू-काश्मीरच्या निवडणुकीत रंजक लढत

दरम्यान, यावेळी जम्मू-काश्मीरच्या निवडणुकीत रंजक लढत पाहायला मिळणार आहे. एकीकडे भाजप सर्व 90 जागांवर एकट्याने निवडणूक लढवत आहे, तर काँग्रेसने नॅशनल कॉन्फरन्ससोबत युती केली आहे. तर मेहबूबा मुफ्ती यांचा पक्ष पीडीपीही सध्या एकट्याने रिंगणात उतरला आहे, तर यावेळी पहिल्यांदाच आम आदमी पक्षही जम्मू-काश्मीर निवडणुकीत नशीब आजमावत आहे.

नवी दिल्लीत भाजपच्या केंद्रीय निवडणूक समितीची बैठक

जम्मू-काश्मीर विधानसभा निवडणुकीसंदर्भात रविवारी नवी दिल्लीत भाजपच्या केंद्रीय निवडणूक समितीची बैठक झाली. या बैठकीत पंतप्रधान नरेंद्र मोदी, गृहमंत्री अमित शहा आणि भाजपचे राष्ट्रीय अध्यक्ष जेपी नड्डा यांच्यासह अनेक ज्येष्ठ नेते सहभागी झाले होते. या बैठकीत निवडणुकीची रणनीती, मुद्दे, उमेदवारांची नावे आणि पीएम मोदींच्या राज्यातील संभाव्य सभा यावर चर्चा करण्यात आली. या बैठकीनंतर सोमवारी सकाळपर्यंत भाजप उमेदवारांची नावे जाहीर करेल, अशी अटकळ बांधली जात होती. त्यानुसार आज पहिली यादी जाहीर केली मात्र ती काही वेळातच मागे घेण्यात आली. Jammu Kashmir Election 2024 |

तीन टप्प्यात विधानसभा निवडणुका

जम्मू-काश्मीरमध्ये तीन टप्प्यात विधानसभा निवडणुका होतील. पहिल्या टप्प्यातील निवडणूक 18 सप्टेंबरला, दुसऱ्या टप्प्यातील निवडणूक 25 सप्टेंबरला, तर तिसऱ्या टप्प्याची निवडणूक 1 ऑक्टोबरला होणार आहे. जम्मू-काश्मीरमध्ये 4 ऑक्टोबरला मतमोजणी होणार आहे.

हेही वाचा: 

जम्मू-काश्मीर निवडणुकीदरम्यान लडाखबाबत केंद्राचा मोठा निर्णय ; अमित शाह यांनी केली ‘ही’ घोषणा