Political News : हिमाचल प्रदेशातील भाजपचे वरिष्ठ नेते आणि राज्यसभा खासदार हर्ष महाजन यांची शनिवारी एका आंदोलनादरम्यान अचानक प्रकृती बिघडल्याने त्यांना तातडीने रुग्णालयात दाखल करण्यात आले. उपचारानंतर त्यांच्या प्रकृतीत सुधारणा झाली असून त्यांना संध्याकाळी रुग्णालयातून डिस्चार्ज देण्यात आला. (Political News)

हर्ष महाजन हे शिमल्यातील सीटीओ परिसरात आयोजित भाजपच्या धरणे आंदोलनात सहभागी झाले होते. कार्यक्रमात त्यांनी कार्यकर्त्यांना संबोधित करून राज्य सरकारवर टीका केली. भाषणानंतर माध्यमांशी संवाद साधत असताना त्यांना अचानक चक्कर आली आणि ते अस्वस्थ झाले. (Political News)

कार्यकर्त्यांनी तातडीने रुग्णालयात नेले

महाजन यांची प्रकृती बिघडताच उपस्थित भाजप कार्यकर्ते आणि समर्थकांनी त्यांना तात्काळ सावरले आणि उपचारासाठी इंदिरा गांधी मेडिकल कॉलेज (IGMC), शिमला येथे दाखल केले. डॉक्टरांनी तत्काळ उपचार सुरू केले. काही तासांच्या उपचारानंतर त्यांची प्रकृती स्थिर झाल्याने सायंकाळी त्यांना घरी सोडण्यात आले. (Political News)

‘दोन दिवसांच्या धावपळीमुळे रक्तदाब कमी झाला’

रुग्णालयातून डिस्चार्ज मिळाल्यानंतर हर्ष महाजन यांनी सांगितले की, गेल्या दोन दिवसांपासून सुरू असलेल्या सततच्या धावपळ आणि व्यस्त कार्यक्रमांमुळे त्यांचा रक्तदाब अचानक कमी झाला होता. त्यामुळे त्यांना चक्कर आली. डॉक्टरांनी योग्य वेळी उपचार केल्यामुळे आता प्रकृती पूर्णपणे सुधारल्याचे त्यांनी सांगितले. त्यांनी रुग्णालयातून हलका आहार घेतानाचा व्हिडिओ शेअर करत समर्थकांचे आभारही मानले. (Political News)

लिफ्ट बंद असल्याने स्ट्रेचरवरून नेले वरच्या मजल्यावर

दरम्यान, रुग्णालयातील लिफ्ट बंद असल्यामुळे हर्ष महाजन यांना स्ट्रेचरसह जिन्यावरून उचलून दुसऱ्या मजल्यावरील सीसीयू वॉर्डमध्ये नेण्यात आले. या घटनेचीही चर्चा रंगली. (Political News)

जयराम ठाकूरांसह भाजप नेत्यांनी घेतली भेट

हर्ष महाजन यांच्या प्रकृतीची माहिती मिळताच हिमाचल प्रदेश भाजपचे प्रदेशाध्यक्ष राजीव बिंदल तसेच राज्याचे माजी मुख्यमंत्री आणि विरोधी पक्षनेते जयराम ठाकूर यांनी रुग्णालयात जाऊन त्यांची भेट घेतली. डॉक्टरांकडून प्रकृतीची माहिती घेत त्यांनी लवकर बरे होण्यासाठी शुभेच्छा दिल्या. (Political News)

या घटनेनंतर आंदोलनस्थळी काही काळ चिंतेचे वातावरण निर्माण झाले होते. मात्र उपचारानंतर महाजन यांच्या प्रकृतीत सुधारणा झाल्याने कार्यकर्त्यांनी सुटकेचा निश्वास सोडला. (Political News)

BJP Leader : मोठी बातमी..! भाजप आमदाराच्या गाडीला भीषण अपघात; कारचा चक्काचूर

BJP Politics : भाजपचा मास्टरस्ट्रोक! पक्ष संघटनेत केले मोठे फेरबदल