BJP Leader Death : आग्रा येथील ताजगंज परिसरात ५ मे रोजी झालेल्या भीषण अपघातात गंभीर जखमी झालेले भाजप युवा मोर्चाचे स्थानिक नेते अंकित अग्रवाल यांचे उपचारादरम्यान निधन झाले. त्यांच्या निधनामुळे भाजप कार्यकर्त्यांमध्ये शोककळा पसरली असून, अनेक मंत्री, खासदार आणि आमदारांनी आपले नियोजित दौरे रद्द करून त्यांच्या निवासस्थानी धाव घेतली. (BJP Leader Death) मिळालेल्या माहितीनुसार, कटरा जोगी दास येथील रहिवासी आणि चांदीचे व्यापारी असलेले अंकित अग्रवाल हे भाजप युवा मोर्चाच्या ताज मंडळाचे मंत्री होते. ५ मे रोजी सकाळी मंदिर दर्शन करून स्कूटीवरून घरी परतत असताना मंडी परिसरात ‘प्रिल्यूड पब्लिक स्कूल’च्या बसने त्यांच्या स्कूटीला जोरदार धडक दिली. (BJP Leader Death) या अपघातात त्यांच्या डोक्याला गंभीर दुखापत झाली होती. त्यांच्यावर लायर्स कॉलनीतील खासगी रुग्णालयात उपचार सुरू होते. मात्र रविवारी दुपारी त्यांची मृत्यूशी झुंज अपयशी ठरली. अंकित अग्रवाल यांच्या पश्चात पत्नी शिखा, वृद्ध आई आणि चार वर्षांची मुलगी असा परिवार आहे. कुटुंबातील कर्ता पुरुष गेल्याने परिसरात हळहळ व्यक्त होत आहे. (BJP Leader Death) दरम्यान, अपघातानंतर ‘प्रिल्यूड पब्लिक स्कूल’चे संचालक सुशील गुप्ता यांनी मृतांच्या मुलीच्या शिक्षणाची संपूर्ण जबाबदारी स्वीकारण्याची घोषणा केली आहे. मुलीला शाळेत मोफत शिक्षण दिले जाणार असून कुटुंबाला सर्वतोपरी मदत करण्याचे आश्वासनही त्यांनी दिले. या प्रकरणी मृतांच्या पत्नीने दिलेल्या तक्रारीवरून शाळा संचालक सुशील गुप्ता, मुख्याध्यापक अरविंद श्रीवास्तव आणि अज्ञात बस चालकाविरुद्ध गुन्हा दाखल करण्यात आला आहे. पोलिसांकडून पुढील तपास सुरू आहे. (BJP Leader Death) घटनेची माहिती मिळताच आग्रा येथील पालकमंत्र्यांसह अनेक लोकप्रतिनिधींनी त्यांच्या घरी भेट देऊन कुटुंबीयांचे सांत्वन केले. तसेच उत्तर प्रदेशातील अनेक मंत्र्यांनी सोशल मीडियावर श्रद्धांजली अर्पण केली आहे. (BJP Leader Death)