पुणेः मायक्रोसॅाफ्टचे संस्थापक बिल गेट्स यांनी येत्या चार वर्षांमध्ये जगात पुन्हा एकदा कोरोनासारख्या आजाराची मोठी साथ येण्याची शक्यता वर्तवली आहे. त्यांच्या या विधानाने आरोग्य यंत्रणांची चिंता वाढवली आहे. पुढील चार वर्षांमध्ये जगात अशी साथ येण्याची १० ते १५ टक्के शक्यता असल्याचे बिल गेट्स म्हणाले आहेत. त्यांनी वॅाल स्ट्रीट जनरलला दिलेल्या विशेष मुलाखतीमध्ये आपले विचार प्रकट केले आहेत. त्यांच्या वरील विधानामुळे जगभरातील आरोग्य यंत्रणांची चिंता वाढवली आहे. चीनच्या वूहान प्रांतामधून कोरोना रोगाचा प्रसार झाला. हळूहळू तो सर्वदूर परसत गेला. कोरोनाच्या जागतिक महामारीमुळे ७ लाख लोकांना आपला जीव गमावाला लागला. आता जगात पुन्हा एकदा नैसर्गिक महामारी येण्याचे भाकित बिल गेट्स यांनी वर्तवले आहे. नैसर्गिक महामारी येण्याची शक्यता १० ते १५ टक्के आहे, पुढील चार वर्षांमध्ये हे घडू शकते. गेल्यावेळेपेक्षा आपली परिस्थिती चांगली असेल, असा विचार करणे चांगली गोष्टी आहे. मात्र, प्रत्यक्षात आपली तयारी पूर्ण झालेली नाही. कोरोनासारखी भीषण परिस्थिती रोखण्यास जग सज्ज नाही, असे देखील बिल गिट्स म्हणाले. तसेच त्यांनी जागतिक पातळीवरील आरोग्य यंत्रणांवर आपली नाराजी व्यक्त केली. २०१९ लाही वर्तवले होते भाकित २०१५ साली टेड टॅाकमध्ये बोलताना बिल गेट्स यांनी एक व्यक्तव्य़ केले होते. त्यावेळी जग हे मोठ्या साथीच्या आजार आल्यास तयार नसल्याचे ते म्हणाले होते. केले. २०१९ साली कोरोनाची साथ आल्यानंतर त्यांचे हे भाकित खरे ठरले होते. त्यामुळे पुन्हा एकदा बिल गेट्स यांनी पुढील चार वर्षांमध्ये कोरोनासारखी साथ येणार असल्याचे विधान केले आहे. आपल्याकडे कोणत्या साधनांची कमतरता आहे, याबद्दल जगातील सर्व देशांनी एकमताने निर्णय घेतले तर अनेक अडचणी दूर होतील, मात्र जगातील बहुतांश देश जुन्या चुकांची पुनरावृत्ती करत असल्याबद्दल त्यांनी खंत व्यक्त केली. केंद्रीय पथक पुण्यात दाखल पुणे शहरात जिबीएसची रुग्णसंख्या वाढताना दिसत आहे. सध्याच्या घडीला या आजाराची रुग्णसंख्या १११ वर येऊन पोहचली आहे. या आजाराने पुणेकरांचे टेन्शन वाढवले आहे. केंद्रातून ७ जणांचे पथक आता पुण्यात आले आहे. या सात जणांची समिती या आजारावर लक्ष ठेवणार आहे. ही समिती राज्य सरकारला या आजाराच्या रुग्णांचे व्यवस्थापन आणि नियंत्रणासाठी मदत करणार आहे.
