Bilawal Bhutto। पाकिस्तानी लष्करप्रमुख असीम मुनीर यांनी अणुबॉम्बच्या धमकी दिल्यानंतर, आता पाकिस्तानचे माजी परराष्ट्र मंत्री बिलावल भुट्टो यांनी भारताला पुन्हा एकदा युद्धाची धमकी दिली आहे. बिलावल भुट्टो यांनी इस्लामाबादमधील एका कार्यक्रमादरम्यान ,” जर भारताने सिंधू पाणी करार रद्द केला आणि सिंधू नदीवर धरण बांधले तर भारताविरुद्ध युद्ध करण्याशिवाय आमच्याकडे पर्याय नाही” असे म्हणत पुन्हा एकदा युद्धाचा राग आवळला आहे.

बिलावल भुट्टो यांनी या निर्णयांसाठी पंतप्रधान नरेंद्र मोदींना जबाबदार धरले. त्यांनी पाकिस्तानी जनतेला भारताविरुद्ध भडकवले. यावेळी त्यांनी, “या संघर्षात आम्हाला तुमची गरज आहे. पंतप्रधान मोदींनी केलेल्या अत्याचारांविरुद्ध आपल्याला एकत्र येऊन आवाज उठवावा लागेल. जेणेकरून आपण पंतप्रधान मोदींच्या अत्याचारांविरुद्ध लढू शकू.”असे म्हणत माथी भडकवण्याचे काम केले.

पाकिस्तानच्या माजी परराष्ट्रमंत्र्यांनी धमकी देत, “तुमच्याकडे इतकी शक्ती आहे, या देशाकडे इतकी शक्ती आहे की आम्ही त्यांच्याशी युद्धात लढू शकतो. पाकिस्तान युद्धाबद्दल बोलत नाही, भारत युद्धाबद्दल बोलतो, पण जर त्यांना युद्ध लढावे लागले तर पाकिस्तान त्यापासून मागे हटणार नाही.”असे म्हटले.

असिम मुनीर यांची भारताला अणुहल्ल्याची धमकी  Bilawal Bhutto। 

पाकिस्तानचे लष्करप्रमुख फील्ड मार्शल असिम मुनीर यांनी अमेरिकेत भारतविरोधी गाणे गाताना काश्मीरला पाकिस्तानची “गळा रक्तवाहिनी” म्हटले. फ्लोरिडातील टाम्पा येथे पाकिस्तानी डायस्पोराला संबोधित करताना मुनीर म्हणाले की पाकिस्तान कोणत्याही परिस्थितीत त्यांच्या पाण्याच्या हक्कांचे रक्षण करेल. असिम मुनीर यांनी अमेरिकेच्या भूमीवरून भारताला अण्वस्त्रांची धमकीही दिली.

पाकिस्तानी लष्करप्रमुखांच्या विधानावर प्रतिक्रिया देताना भारताने, “असिम मुनीर यांच्या अण्वस्त्र धमकीवरून असे दिसून येते की शेजारी देश एक “बेजबाबदार” अण्वस्त्र शक्ती आहे आणि त्यांची (अण्वस्त्रे) राज्याबाहेरील घटकांच्या हाती पडण्याचा धोका आहे.”असे म्हटले.

फ्लोरिडामधील टाम्पा याठिकाणी पाकिस्तानी प्रवासींना संबोधित करताना मुनीर यांनी अण्वस्त्र हल्ला करण्याची धमकी दिली. जर भारतासोबतच्या भविष्यातील युद्धात त्यांच्या देशाचे अस्तित्व धोक्यात आले तर. पाकिस्तानी लष्करप्रमुख म्हणाले की, जर भारताने पाकिस्तानकडे जाणारा पाणीपुरवठा रोखला तर इस्लामाबाद भारतीय पायाभूत सुविधा नष्ट करेल.

भारताने त्याला योग्य उत्तर दिले Bilawal Bhutto। 

पुढे मुनीर म्हणाले, “आपण एक अण्वस्त्रधारी राष्ट्र आहोत. जर आपल्याला वाटत असेल की आपण नष्ट होणार आहोत, तर आपण अर्ध्या जगाला आपल्यासोबत विनाशाच्या मार्गावर घेऊन जाऊ.” भारतीय परराष्ट्र मंत्रालयातील सूत्रांनी सांगितले की, मुनीर यांचे हे वक्तव्य पाकिस्तानच्या प्रवृत्तीचा एक भाग आहे जे जेव्हा जेव्हा अमेरिका पाकिस्तानी सैन्याला पाठिंबा देते तेव्हा नेहमीच आपला खरा आक्रमक चेहरा दाखवते.

त्यासोबतच, “हे पुरावे आहे की पाकिस्तानमध्ये लोकशाही नाही आणि सैन्य देशावर नियंत्रण ठेवते. दरम्यान, एका सूत्राने सांगितले की, “अमेरिकेत मिळालेल्या स्वागताने आनंदित झालेल्या पाकिस्तानी सैन्याचे पुढचे पाऊल पाकिस्तानमध्ये मूक किंवा उघडपणे उठाव होऊ शकते, जेणेकरून फील्ड मार्शल (पाकिस्तानी लष्करप्रमुख) राष्ट्रपतीपदाची खुर्ची मिळवतील.”असे त्यांनी म्हटले होते.