Maharashtra Politics : आगामी जिल्हा परिषद आणि पंचायत समिती निवडणुकांच्या पार्श्वभूमीवर महाराष्ट्रातील राजकीय घडामोडींना वेग आला आहे. नंदुरबार जिल्ह्यातील नवापूरमध्ये काँग्रेसला मोठा धक्का बसल्याचा दावा भाजपकडून करण्यात आला आहे. (Maharashtra Politics)

काँग्रेसमधील ४० हून अधिक कार्यकर्ते, पदाधिकारी आणि सामाजिक कार्यकर्त्यांनी भाजपमध्ये प्रवेश केला. दसऱ्यानंतर झालेल्या या पक्षप्रवेशामुळे स्थानिक राजकीय वर्तुळात चर्चांना उधाण आलं आहे. (Maharashtra Politics)

नवापूरमध्ये भाजपची ताकद वाढणार?

नंदुरबार आणि नवापूर हा काँग्रेसचा प्रभाव असलेला भाग मानला जातो. अशा परिस्थितीत नवापूरमध्ये काँग्रेसच्या कार्यकर्त्यांनी भाजपमध्ये प्रवेश केल्याने आगामी स्थानिक स्वराज्य संस्थांच्या निवडणुकांच्या दृष्टीने या घडामोडीला महत्त्व प्राप्त झालं आहे. (Maharashtra Politics)

भाजपच्या दाव्यानुसार, ४० हून अधिक कार्यकर्ते आणि सामाजिक कार्यकर्ते पक्षात दाखल झाले. भाजपचे नंदुरबार जिल्हाध्यक्ष निलेश माळी, विधानसभा प्रमुख अजय वसावे, एजाज शेख आणि विश्वास बडोगे यांच्या उपस्थितीत हा पक्षप्रवेश सोहळा पार पडला. (Maharashtra Politics)

मोदी-फडणवीसांच्या विकासकामांवर विश्वास?

पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली सुरू असलेल्या विकासकामांवर विश्वास ठेवून तरुण भाजपमध्ये प्रवेश करत असल्याचं निलेश माळी यांनी म्हटलं. (Maharashtra Politics)

या पक्षप्रवेशामुळे नवापूरमधील भाजप संघटनेला बळ मिळेल, असा विश्वासही त्यांनी व्यक्त केला. येत्या काळात नवापूर शहर आणि तालुक्यात इतर पक्षांतील आणखी कार्यकर्ते भाजपमध्ये प्रवेश करतील, असा दावाही माळी यांनी केला आहे. (Maharashtra Politics)

Maharashtra Politics : राज्याचा गृहमंत्री ‘पांडू हवालदार’ झाला; महाराष्ट्राला पूर्णवेळ गृहमंत्री द्या : हर्षवर्धन सपकाळ