Eknath Shinde : शिवसेनेचे मुख्य नेते आणि उपमुख्यमंत्री एकनाथ शिंदे यांनी दसरा मेळाव्यात विरोधकांवर जोरदार हल्लाबोल केला. दुष्काळग्रस्त शेतकऱ्यांना मदत, सरकारच्या योजना, हिंदुत्व आणि विरोधकांच्या कथित ‘व्होट चोरी’च्या आरोपांवर त्यांनी भाष्य केलं. (Eknath Shinde)

मात्र, त्यांच्या भाषणातील ‘ऑपरेशन 3.0 कधी?’ या प्रश्नावर दिलेल्या उत्तराची विशेष चर्चा रंगली. ‘ऑपरेशन सांगून करत नाही, आम्ही थेट ऑपरेशन करतो,’ असं सूचक विधान शिंदे यांनी केलं. (Eknath Shinde)

‘आम्ही भाषण देणारे नाही, राशन देणारे आहोत’

राज्यातील दुष्काळी परिस्थितीचा उल्लेख करत एकनाथ शिंदे यांनी शेतकऱ्यांच्या पाठीशी सरकार ठामपणे उभं असल्याचं सांगितलं. शेतकऱ्यांच्या मुलींच्या लग्नाची जबाबदारी घेण्यापासून ते आर्थिक मदतीपर्यंत विविध उपाययोजना राबवल्या जात असल्याचा दावा त्यांनी केला. (Eknath Shinde)

‘आम्ही भाषण देणारे नाही, तर राशन देणारे आहोत,’ असं म्हणत त्यांनी विरोधकांवर निशाणा साधला. परभणीपासून लाडक्या बहिणींना २५ हजार शिलाई मशीन आणि २५ हजार सायकलींचं वाटप सुरू केल्याचंही त्यांनी सांगितलं. दुष्काळामुळे अडचणीत आलेल्या शेतकऱ्यांची दिवाळी काळी होऊ देणार नाही, असं आश्वासनही त्यांनी दिलं. (Eknath Shinde)

दुष्काळग्रस्तांसाठी मदतीचा दावा

राज्य सरकारने दुष्काळ जाहीर करून शेतकऱ्यांसाठी विविध सवलती दिल्याचं शिंदे यांनी सांगितलं. शिक्षण, कर्जवसुली, वीजबिलं, चारा आणि पाण्याशी संबंधित सवलतींचा त्यांनी उल्लेख केला. केंद्र सरकार आणि पंतप्रधान नरेंद्र मोदी तसेच केंद्रीय गृहमंत्री अमित शाह यांनीही शेतकऱ्यांच्या मदतीसाठी पाठिंबा दिल्याचं त्यांनी सांगितलं. (Eknath Shinde)

कर्जमाफीच्या मुद्द्यावरूनही त्यांनी विरोधकांना प्रत्युत्तर दिलं. सरकारने शेतकऱ्यांसाठी मोठ्या प्रमाणात निधी दिल्याचा दावा करत, संकटाच्या काळात शेतकऱ्यांच्या पाठीशी उभं राहणं हे सरकारचं कर्तव्य असल्याचं ते म्हणाले. (Eknath Shinde)

‘व्होट चोरी’च्या मुद्द्यावरून काँग्रेसवर टीका

विरोधकांकडून करण्यात येणाऱ्या ‘व्होट चोरी’च्या आरोपांवर एकनाथ शिंदे यांनी जोरदार टीका केली. विरोधक सोयीचं राजकारण करत असल्याचा आरोप त्यांनी केला. २०१९ मध्ये भाजप-शिवसेना युतीला मतदान झाल्यानंतर उद्धव ठाकरे यांनी महाविकास आघाडीसोबत सरकार स्थापन केल्याचा संदर्भ देत, त्यांनी त्या राजकीय घडामोडींना ‘खरी व्होट चोरी’ असं संबोधलं. (Eknath Shinde)

विरोधक न्यायव्यवस्थेवर आणि घटनात्मक संस्थांवर हल्ला करत असल्याचा आरोपही शिंदे यांनी केला. इंडिया आघाडीची तुलना दहा तोंडांच्या रावणाशी करत, या रावणाचं दहन करण्याचं आवाहन त्यांनी केलं. (Eknath Shinde)

‘हा पाकिस्तान नाही, हिंदुस्थान आहे!’

पाकिस्तान, बांगलादेश, श्रीलंका आणि नेपाळमधील राजकीय परिस्थितीचा संदर्भ देत शिंदे यांनी विरोधकांवर अराजकता पसरवण्याचा आरोप केला. ‘हा नेपाळ, श्रीलंका, बांगलादेश किंवा पाकिस्तान नाही, तर हिंदुस्थान आहे. हा नवा भारत आहे, पाकिस्तानच्या घरात घुसून मारणारा भारत आहे,’ असं म्हणत त्यांनी केंद्र सरकारच्या भूमिकेचं समर्थन केलं. (Eknath Shinde)

पंतप्रधान नरेंद्र मोदी यांच्यावर भ्रष्टाचाराचे आरोप करणाऱ्या विरोधकांनाही त्यांनी लक्ष्य केलं. मोदी सरकारच्या काळात मोठ्या प्रमाणावर अन्नधान्य आणि आर्थिक मदत दिली जात असल्याचा दावा त्यांनी केला. (Eknath Shinde)

‘ऑपरेशन 3.0 कधी?’ शिंदेंचं सूचक उत्तर

एकनाथ शिंदे यांच्या भाषणातील सर्वाधिक चर्चेचा मुद्दा म्हणजे ‘ऑपरेशन 3.0’. शिवसेनेतील राजकीय घडामोडी आणि पक्षात प्रवेश करणाऱ्या नेत्यांच्या पार्श्वभूमीवर पत्रकारांनी त्यांना ‘ऑपरेशन 1.0 आणि 2.0 झालं, आता 3.0 कधी?’ असा प्रश्न विचारल्याचं त्यांनी सांगितलं.  यावर उत्तर देताना शिंदे म्हणाले, ‘ऑपरेशन सांगून करत नाही आम्ही. डॉक्टर तारीख देतो, आम्ही थेट ऑपरेशन करतो.’ (Eknath Shinde)

यावेळी त्यांनी खासदार श्रीकांत शिंदे यांचाही उल्लेख केला. पक्षात येणाऱ्यांची संख्या वाढत असल्याचा दावा करत, ‘लोकं का येत आहेत, याचा विचार करा. भली मोठी रांग लागली आहे,’ असं ते म्हणाले. (Eknath Shinde)

‘शिवसेनेची ताकद वाढली’

शिवसेनेकडे सध्या १५ खासदार, ७४ आमदार आणि एक हजारांहून अधिक नगरसेवक असल्याचा दावा शिंदे यांनी केला. ही बाळासाहेब ठाकरे यांच्या विचारांची ताकद असल्याचं ते म्हणाले. (Eknath Shinde)

दसरा मेळाव्यातून शिंदे यांनी दुष्काळग्रस्त शेतकऱ्यांना मदतीचा संदेश देतानाच विरोधकांवर राजकीय हल्लाबोल केला. मात्र, ‘ऑपरेशन 3.0’बाबत त्यांनी दिलेल्या सूचक उत्तरामुळे आगामी काळात महाराष्ट्राच्या राजकारणात नेमक्या कोणत्या घडामोडी घडणार, याबाबत चर्चांना उधाण आलं आहे. (Eknath Shinde)