Sharad Pawar : अजित पवार यांच्या विमान अपघातानंतर मोठ्या राजकीय घडामोडी घडताना दिसत आहेत. दोन्ही राष्ट्रवादीच्या विलीनीकरणावर बड्या नेत्यांकडून दावे प्रतिदावे केले जात आहेत. अजित पवार यांच्या निधानानंतर पवार कुटुंब बारामतीमध्ये एकत्र आले होते. त्यानंतर दोन दिवसांपूर्वी देशाचे केंद्रीय अर्थसंकल्प सादर होणार म्हणून खासदार सुप्रिया सुळे अजित पवार यांच्या मातोश्री आशाताई पवार यांची भेट घेतल्यानंतर दिल्लीला रवाना झाल्या. शरद पवार (Sharad Pawar) हे देखील दिल्लीला जाणार होते, मात्र, त्यांनी आपला दिल्ली दौरा अचानक रद्द केल्याची माहिती समोर आली आहे. खरंतर बारामतीहून मुंबईला रवाना होण्यापूर्वी शरद पवार आणि प्रतिभा पवार यांनी बारामतीतील विद्या विद्या प्रतिष्ठान परिसरात ज्या ठिकाणी अजित पवारांवर अंत्यसंस्कार करण्यात आले. त्या स्थळाला भेट दिली. त्यानंतर ते मुंबईला रवाना झाले. मुंबईतून ते दिल्लीला जाणार होते, मात्र, त्यांचा दिल्ली दौरा रद्द झाल्याची माहिती समोर आली आहे. Sharad Pawar मिळालेल्या माहितीनुसार, शरद पवार यांचा दिल्ली दौरा रद्द करण्यामागचे नेमके कारण अद्याप स्पष्ट झालेले नाही. ते पुण्याला जाणार असून त्यानंतर बारामतीला जाण्याची शक्यता आहे. संसदेच्या अर्थसंकल्पीय अधिवेशन कामकाजात शरद पवार सहभागी होणार होते. दोन दिवस संसदीय कामकाजात सहभाग घेतल्यानंतर पुन्हा बारामतीला जाणार होते. मात्र, अचानक त्यांचा दिल्ली दौरा रद्द झाल्याची माहिती समोर येत आहे. अजित पवार यांच्या निधानानंतर जय पवारांची भावुक पोस्ट अजित पवार यांच्या निधानंतर पाच दिवसांनी त्यांचे धाकटे सुपुत्र जय पवार यांनी सोशल मीडियावर भावुक पोस्ट केली आहे. “तुमची खूप आठवण येतेय. डॅड काश वेळ थांबली असती, मी तुम्हाला घट्ट मिठीत घेऊन आयुष्यभर तसाच राहिलो असतो. मिसिंग यू अ लॉट डॅड!” या शब्दांत जय पवार यांनी आपल्या वडिलांप्रती भावना व्यक्त केल्या. यासोबतच जय पवार यांनी वडिलांसोबतच दोन फोटो शेअर केले. हेही वाचा : Rohit Shetty : 10 दिवसांंपासून शिजत होता कट; रोहित शेट्टीच्या घरावरील गोळीबार प्रकरणी मोठी अपडेट समोर
