Rohit Shetty : बॅालीवूड इंडस्ट्रीतील प्रसिद्ध दिग्दर्शक रोहित शेट्टी याच्या मुंबईतल्या घरावर गोळीबाराची घटना घडली. या घटनेनंतर इंडस्ट्रीत एकच खळबळ उडाली आहे. घटनेचे गांभीर्य लक्षात घेत पोलिसांनी तपासाची चक्रे वेगाने फिरवली आणि या प्रकरणी चार आरोपींना पुण्यातून ताब्यात घेतले. या आरोपींकडे पोलिसांनी केलेल्या चौकशीत मोठी माहिती समोर आली आहे. चौकशीदरम्यान अटक केलेल्या आरोपींनी सांगितलं की, घटनेच्या सुमारे 10 दिवस आधी त्यांना स्कूटर देण्यात आली होती. त्यामुळे हा कट गेल्या काही महिन्यांपासून रचण्यात आला असल्याचे सांगितले जात आहे. या संपूर्ण कटाचा सूत्रधार शुभम लोणकर आहे, जो लॉरेन्स बिश्नोई टोळीचा वॉन्टेड सदस्य आहे, अशी मोठी माहिती समोर आली आहे. या घटनेमुळे पुन्हा पुन्हा एकदा बॅालीवूड इंडस्ट्री हादरले असून कलाकारांच्या जीवनाच्या सुरक्षेबाबत प्रश्न उपस्थित केले जात आहे. दिग्दर्शक रोहित शेट्टीच्या घरावरील गोळीबार घटनेप्रकरणी मुंबई क्राईम ब्रांचकडून तपास सुरू असून, यामध्ये अनेक मोठे खुलासे समोर येत आहेत. मुंबई गुन्हे शाखेकडून मिळालेल्या माहितीनुसार, अटक केलेल्या चार आरोपींपैकी दोघेजण पुण्याहून मुंबईत स्कूटर घेऊन आले होते. त्यांनी रोहित शेट्टीच्या जुहू येथील घराजवळ एका निश्चित ठिकाणी सोडले होते, जिथे गोळीबार करणाऱ्याने ताब्यात घेतले होते. घटना कधी घडली? रविवारी मध्यरात्री १२ वाजून ४५ मिनिटांनी दिग्दर्शक रोहित शेट्टी राहत असलेल्या नऊ मजली टॅावरवर पाच गोळ्या झाडण्यात आल्या. सुदैवाने या घटनेत कोणतीही जीवितहानी झाली नाही. मात्र, त्यापैकी एक इमारतीतील जिमच्या काचेला गोळी लागली. या गोळीबाराच्या घटनेची जबाबदारी शुभम लोणकर याने स्विकारली असल्याची माहिती समोर आली आहे. हाच तो शुभम लोणकर आहे ज्याने महाराष्ट्राचे माजी मंत्री राष्ट्रवादी काँग्रेस पक्षाचे ज्येष्ठ नेते बाबा सिद्दीकी यांच्यावर झालेल्या हत्येप्रकरणी वॉन्टेड आहे. याचा थेट संबंध पुन्हा बिश्नाई टोळीकडे गेला आहे. शुभम लोणकरचे नाव समोर पोलिसांनी ताब्यात घेतलेल्या आरोपींकडून चौकशी केली असता, त्यांनी शुभम लोणकरचे नाव घेतले आहे. यासाठी त्याच्याकडून थेट सूचना मिळाल्या होत्या. लोणकरनेच स्वतः शूटरला स्कूटर कुठून उचलायची आणि कुठे गोळीबार करायचा याबद्दल सांगितले होते. ही स्कूटर पुण्यातील एका रहिवाशाची होती. मुख्य सुत्रधार कोण? ताब्यात घेण्यात आलेली सर्व आरोपी २५ वर्षांखालील आहेत. आदित्य ज्ञानेश्वर गायकी, समर्थ पोमाजी, सिद्धार्थ दीपक आणि स्वप्नील बंडू अशी आरोपींची नावे आहेत. तसेच चौथा आरोपी मुख्य सूत्रधार असून त्यानेच कट रचला असावा असा संशय पोलिसांना आहे. त्यामुळे पोलिस तपासात आणखी काय माहिती समोर येते हे पाहणे महत्वाचे असणार आहे. हेही वाचा : Stock Market Today: टॅरिफ डीलमुळे बाजार सुपर तेजीत ; सेन्सेक्स २,६०० अंकांनी तर निफ्टी २५,८०० ने वधारला
