LK Advani : भारतीय जनता पक्षाचे ज्येष्ठ नेते आणि माजी उपपंतप्रधान लालकृष्ण अडवाणी यांना देशाच्या सर्वोच्च नागरी सन्मान ‘भारतरत्न’ पुरस्काराने सन्मानित करण्यात येणार आहे. खुद्द पीएम मोदींनी ट्विट करत  ही माहिती दिली आहे.

पंप्रधान नरेंद्र मोदी यांनी थोड्यावेळापूर्वीच ट्विटरवर एक पोस्ट शेअर करत ही माहिती दिली. पंतप्रधान मोदी यांनी, ‘मला कळवताना अतिशय आनंद होत आहे की लालकृष्ण अडवाणी जी यांना भारतरत्न पुरस्काराने सन्मानित करण्यात येणार आहे. मी त्यांच्याशीही बोललो आणि हा सन्मान मिळाल्याबद्दल त्यांचे अभिनंदन केले.’ असे त्यांनी म्हटले.

I am very happy to share that Shri LK Advani Ji will be conferred the Bharat Ratna. I also spoke to him and congratulated him on being conferred this honour. One of the most respected statesmen of our times, his contribution to the development of India is monumental. His is a… pic.twitter.com/Ya78qjJbPK

— Narendra Modi (@narendramodi) February 3, 2024

पुढे आपल्या पोस्टमध्ये पंतप्रधानांनी, ‘आपल्या काळातील सर्वात प्रतिष्ठित राजकारण्यांपैकी एक, अडवाणी जी यांनी भारताच्या विकासात अविस्मरणीय योगदान दिले आहे. तळागाळात काम करण्यापासून ते उपपंतप्रधान म्हणून देशाची सेवा करण्यापर्यंत त्यांचे जीवन सुरू होते. आपले गृहमंत्री आणि माहिती व प्रसारण मंत्री म्हणूनही त्यांनी आपला ठसा उमटवला. त्यांचे संसदीय हस्तक्षेप नेहमीच अनुकरणीय आणि समृद्ध अंतर्दृष्टीने भरलेले आहेत.” असे त्यांनी म्हटले आहे.