नवी दिल्ली : प्रसिद्ध पंजाबी गायक सिद्धू मुसेवाला यांच्या हत्येने संपूर्ण देश हादरला. या खळबळजनक हत्याकांडामागे बिष्णोई टोळीचे नाव पुढे आले आहे. त्यातच आता या प्रकरणात खळबळजनक माहिती पुढे आली आहे. कुख्यात गँगस्टर सतविंदर सिंग उर्फ ​​गोल्डी  ब्रारने सिद्धू मुसेवालाची हत्या केल्याचा धक्कादायक खुलासा केला आहे. एवढेच नाही तर आपल्याला संधी मिळाली तर अभिनेता सलमान खानलाही ठार करणार असल्याचे खळबळजनक वक्तव्य त्याने केले आहे.

एका वृत्तवाहिनीशी बोलताना त्याने ही माहिती दिली. गोल्डी ब्रार हा भारताचा मोस्ट वॉन्टेड असून इंटरपोलने  त्याच्याविरोधात नोटीसही जारी केली आहे. त्याने मुसेवालाला का मारले? याचे कारणही गोल्डी ब्रारने सांगितले आहे. मुसेवाला अस्वस्थ झाले होते. त्याच्याकडे खूप पैसा होता, म्हणून तो गर्विष्ठ झाला. मुसेवाला यांच्याकडे पैशाच्या ताकदीसोबतच बरीच राजकीय ताकद होती. त्याने या सर्वांचा गैरवापर सुरू केला होता. गोल्डी ब्रार पुढे म्हणाला, ‘मूसवालाला मारण्याची अनेक कारणे होती. त्याने आपले काही वैयक्तिक नुकसान केले होते, अशा काही चुका केल्या होत्या, ज्या क्षमा करण्यासारख्या नाहीत. म्हणूनच आम्ही त्याला शिक्षा केली. आम्ही त्याला धडा शिकवला,’ असेही गोल्डी म्हणाला.

गोल्डी म्हणाले की, ‘सरकार न्याय करत नाही. एक श्रीमंत माणूस, जो दरमहा करोडो रुपये कमावतो. ज्याच्याशी एसएसपी, डीजीपी यांना लढा द्यावा लागला त्याच्या विरोधात आम्हाला न्यायालयातून काय न्याय मिळणार? म्हणूनच आम्ही स्वतः शिक्षा दिली . याशिवाय गोल्डी खलिस्तान आणि आयएसआयबद्दलही बोलला आहे.

दाऊद इब्राहिमवर तो म्हणाला की, ‘ज्यांनी आपल्या देशात बॉम्बस्फोट घडवून आणले त्यांच्याशी आमची मैत्री नाही’. ब्रार यांनी सांगितले की, सिद्धू पाकिस्तानमध्ये बसलेल्या हरविंद सिंग रिंडा या दहशतवाद्याशी बोलत असे. त्यानुसार रिंडा यांनीच सिद्धू मूसवाला यांच्याशी करार करायला लावला. तो ड्रग्जचा व्यवहार करत नसल्याचेही त्याने सांगितले. मात्र, पाकिस्तानातून शस्त्रास्त्रांची तस्करी होत असल्याची शक्यता त्यांनी नाकारली नाही.