Maharashtra Vidhan Parishad- महाराष्ट्र विधान परिषदेच्या 11 जागांसाठी द्वैवार्षिक निवडणूक 12 जुलै रोजी राज्य विधिमंडळाच्या अधिवेशनाच्या शेवटच्या दिवशी होणार आहे. विधानसभा निवडणुकीच्या अवघ्या काही महिन्यांपूर्वी म्हणजे 27 जुलै रोजी निवृत्त होणाऱ्या 11 आमदारांपैकी चार भाजपचे, दोन काँग्रेसचे तर राष्ट्रवादी काँग्रेस पक्ष, शिवसेना, उद्धव ठाकरे यांची शिवसेना, शेतकरी आणि कामगार पक्ष आणि राष्ट्रीय समाज पक्षाकडे प्रत्येकी एक जागा आहे.

कार्यकाळ पूर्ण होत असलेल्या विधान परिषदेच्या आमदारांमध्ये डॉ. मनिषा श्यामसुंदर कायंदे, विजय विठ्ठल गिरकर, ​​अब्दुल्ला खान ए. लतीफ खान दुर्रानी, निलय मधुकर नाईक, अँड. अनिल दत्तात्रय परब, रमेश नारायण पाटील, रामराव बाळाजीराव पाटील, डॉ. वजाहत मिर्झा अथर मिर्झा, डॉ. प्रज्ञा राजीव सातव, महादेव जगन्नाथ जानकर, जयंत प्रभाकर पाटील यांचा समावेश आहे.

दरम्यान, लोकसभा निवडणुकीत भाजपच्या खराब कामगिरीनंतर उपमुख्यमंत्री देवेंद्र फडणवीस राजीनामा देण्यावर ठाम असल्याचे दिसत असल्याने, महाराष्ट्रातील पक्षाचे नेते केंद्रीय गृहमंत्री अमित शहा यांच्यासोबत दिल्लीत बैठक घेणार आहेत. कोअर कमिटीच्या या बैठकीमध्ये 2024 च्या विधानसभा निवडणुकांसाठी देखील रणनिती ठरणार आहे.

अशी असेल प्रक्रिया :

• अधिसूचना जारी – 25 जून 2024
• नामांकन दाखल करण्याची शेवटची तारीख – 02 जुलै, 2024
• नामनिर्देशनपत्रांची छाननी – 03 जुलै, 2024
• उमेदवारी अर्ज मागे घेण्याची शेवटची तारीख – 05 जुलै, 202
• मतदानाची तारीख – 12 जुलै 2024 सकाळी 09:00 ते दुपारी 04:00
• मतांची मोजणी – 12 जुलै 2024 (शुक्रवार) संध्याकाळी 05:00 वाजता
• निवडणूक पूर्ण होण्याची तारीख – 16 जुलै 2024