Belgium vs Senegal FIFA World Cup 2026 Round of 32 Result : फिफा फुटबॉल विश्वचषक २०२६ स्पर्धेत ‘राउंड ऑफ ३२’ मध्ये फुटबॉल इतिहासातील आजवरचा सर्वात रोमांचक आणि थरारक सामना पाहायला मिळाला. सामन्याच्या अखेरच्या मिनिटांपर्यंत दोन गोल्सने पिछाडीवर असलेल्या बेल्जियमने अशक्य वाटणारे पुनरागमन केले. बेल्जियमने मुख्य वेळेच्या शेवटच्या मिनिटांमध्ये दोन गोल करत सामना आधी अतिरिक्त वेळेत खेचला. त्यानंतर अतिरिक्त वेळेच्या अगदी शेवटच्या सेकंदाला गोल डागत सेनेगलचा ३-२ असा पराभव केला. या चमत्कारिक विजयासह बेल्जियमने दिमाखात ‘राउंड ऑफ १६’ मध्ये प्रवेश केला आहे.

सेनेगलने घेतली होती २-० अशी मजबूत आघाडी –

सामन्यात एकवेळ सेनेगलचा संघ पूर्णपणे हावी होता. २४ व्या मिनिटाला हबीब दियाराने गोल करून सेनेगलला १-० अशी आघाडी मिळवून दिली. त्यानंतर ५१ व्या मिनिटाला इस्माइला सारने अप्रतिम गोल करत ही आघाडी २-० अशी मजबूत केली. अशा स्थितीत बेल्जियमने ५६ व्या मिनिटाला केविन डी ब्रुइन आणि जेरेमी डोकू सारख्या स्टार खेळाडूंना मैदानाबाहेर बोलावून सर्वांना धक्का दिला. मात्र, गोलरक्षक थिबॉट कोर्टुआने तीन अप्रतिम बचाव करत सेनेगलला पुढील गोल करण्यापासून रोखले.

लुकाकू-टिलेमॅन्सचा पलटवार अन् विश्वचषक इतिहासातील सर्वात ‘लेट’ गोल –

🔥 BELGIUM JUST ERUPTED

⚽️ From TWO goals down… to turning the game on its head in 2 MINUTES 38 SECONDS!

🇧🇪 Lukaku + Tielemans delivered absolute chaos

🇫🇷 1m 35s – France vs Argentina (2022, FINAL) – Mbappé x2

🇺🇸 2 min – USA vs Chile (1950) – Wallace / Maca

🇦🇹 2 min –… pic.twitter.com/PVvIQsMwIZ

— FIFA World Cup Stats (@alimo_philip) July 1, 2026

सामना हातातून जात असताना, बेंचवरून मैदानावर आलेल्या रोमेलु लुकाकूने ८६ व्या मिनिटाला बेल्जियमसाठी पहिला गोल केला. यानंतर अवघ्या ३ मिनिटांनी म्हणजेच ८९ व्या मिनिटाला यूरी टिलेमॅन्सने गोल करत स्कोर २-२ असा बरोबरीत आणला आणि सामना अतिरिक्त वेळेत गेला. यानंतर अतिरिक्त वेळेचा खेळ संपत आला असताना सामना पेनल्टी शूटआऊटमध्ये जाणार असे वाटत होते.

हेही वाचा – Harry Kane Sorcerer : घानाच्या तांत्रिकाने ‘शाप’ काढला अन् हॅरी केनने इतिहास रचला! इंग्लंडचा ६० वर्षांनंतर सर्वात मोठा चमत्कार

परंतु, अगदी शेवटच्या सेकंदाला बेल्जियमच्या खेळाडूला डी-बॉक्समध्ये पाडण्यात आले. रेफरीने व्हीएआर रिव्ह्यूनंतर बेल्जियमला पेनल्टी दिली. अतिरिक्त वेळेच्या इंजरी टाईममध्ये म्हणजेच १२५ व्या मिनिटाला यूरी टिलेमैन्सने पेनल्टीचे गोलमध्ये रूपांतर करत बेल्जियमला ३-२ असा ऐतिहासिक विजय मिळवून दिला. फिफा विश्वचषकाच्या इतिहासातील हा आतापर्यंतचा सर्वात उशिरा झालेला गोल ठरला आहे. आता ‘राउंड ऑफ १६’ मध्ये बेल्जियमचा सामना अमेरिका किंवा बोस्निया-हर्जेगोविना यांच्यातील विजेत्याशी होईल.