मुंबई – मराठमोळा अभिनेता सिद्धार्थने चांदरेकर आणि मिताली मयेकर सोशल मीडियावर नेहमीच सक्रिय असतात. त्यांचे परदेशातील अनेक फोटो ते सोशल मीडियावर शेअर करताना दिसतात. मात्र आता मितालीच्या वाढदिवसानिमित्त सिद्धार्थने एक खास पोस्ट इनस्टाग्रामवर शेअर केली आहे. या पोस्टनंतर तिच्या शुभेच्छांचा वर्षाव केला जात आहे.

सिद्धार्थने बायकोला शुभेच्छा देण्यासाठी पॅरिसमधील रोमॅंटिक फोटो शेअर केला आहे. या पोस्टमध्ये त्याने लिहिले की, “Happy Birthday बाळा! तुझ्या गोड स्वभावामुळे मला नेहमीच तुझा अभिमान वाटतो. माझ्या अत्यंत जवळच्या व्यक्तीला वाढदिवसाच्या खूप खूप शुभेच्छा, लव्ह यू…कायम.” मितालीचा वाढदिवस साजरा करण्यासाठी दोघेही दुबईला गेले आहेत. 2021 मध्ये लग्न झाल्यापासून सिद्धार्थ-मिताली अनेकवेळा परदेशात फिरायला गेले आहेत.

 

View this post on Instagram

 

A post shared by Siddharth Seema Chandekar (@sidchandekar)

सिद्धार्थसह वाढदिवसाला शुभेच्छा देण्यासाठी मितालीच्या वडिलांनी देखील  मेसेज केला आहे. या मेसेजद्वारे जुन्या आठवणींना उजाळा देत त्यांनी लेकीचे कौतुक केले आहे. दरम्यान, दोन वर्षे लिव्ह-इन रिलेशनमध्ये राहिल्यानंतर सिद्धार्थ आणि मितालीने 2021 मध्ये लग्नगाठ बांधली होती. सिद्धार्थच्या कामाबद्दल बोलायचे झाले तर, तो लवकरच ‘झिम्मा 2’ चित्रपटातून प्रेक्षकांच्या भेटीला येणार आहे.