#INDvSA Test Series : कसोटी मालिकेसाठी टीम इंडियाची घोषणा; रोहित कर्णधार तर उपकर्णधारपदाची कमान ‘या’ खेळाडूकडे..
Team India Squad For South Africa Test Series : बीसीसीआयने दक्षिण आफ्रिकेविरुद्धच्या दोन सामन्यांच्या कसोटी मालिकेसाठी टीम इंडियाची घोषणा केली आहे. या मालिकेत रोहित शर्मा कर्णधार असेल. याशिवाय विराट कोहली आणि मोहम्मद शमी यांचाही संघात समावेश करण्यात आला आहे. तर वेगवान गोलंदाज जसप्रीत बुमराहकडे कसोटी मालिकेत उपकर्णधारपद सोपवण्यात आले आहे.
ऑस्ट्रेलियाविरुद्धच्या पाच सामन्यांच्या T20 मालिकेनंतर टीम इंडिया दक्षिण आफ्रिका दौऱ्यावर जाणार आहे. आफ्रिकेत टीम इंडियाला तीन सामन्यांची T20 मालिका, तीन सामन्यांची एकदिवसीय मालिका आणि दोन सामन्यांची कसोटी मालिका खेळायची आहे. या कसोटी मालिकेची सुरुवात 26 डिसेंबर रोजी ‘बॉक्सिंग डे’ कसोटीने होणार आहे.
रोहित शर्मा, शुभमन गिल, यशस्वी जैस्वाल, विराट कोहली, श्रेयस अय्यर, रुतुराज गायकवाड यांची दक्षिण आफ्रिकेविरुद्धच्या कसोटी मालिकेसाठी फलंदाजी विभागात निवड करण्यात आली आहे. इशान किशन आणि केएल राहुल यांना यष्टिरक्षक म्हणून संघात स्थान मिळाले आहे.
वेगवान गोलंदाजीबद्दल बोलायचे झाले तर जसप्रीत बुमराहसह शार्दुल ठाकूर, मोहम्मद सिराज, मुकेश कुमार, मोहम्मद शमी आणि प्रसिध कृष्णा आहेत. तर फिरकी विभागात रविचंद्रन अश्विन आणि रवींद्र जडेजा यांचा समावेश करण्यात आला आहे.
#INDvSA T20I Series : बीसीआयनं टीम इंडियाची केली घोषणा; T20I कर्णधारपदाची धूरा ‘या’ खेळाडूकडे…
दक्षिण आफ्रिकेविरुद्धच्या कसोटी मालिकेसाठी टीम इंडिया – रोहित शर्मा (कर्णधार), शुभमन गिल, यशस्वी जैस्वाल, विराट कोहली, श्रेयस अय्यर, रुतुराज गायकवाड, इशान किशन (यष्टीरक्षक), केएल राहुल (यष्टीरक्षक), रविचंद्रन अश्विन, रवींद्र जडेजा, शार्दुल ठाकूर, मोहम्मद सिराज, मुकेश कुमार, मोहम्मद शमी, जसप्रीत बुमराह (उपकर्णधार) आणि प्रसीध कृष्णा.
दक्षिण आफ्रिकेविरुद्धच्या कसोटी मालिकेव्यतिरिक्त बीसीसीआयने एकदिवसीय आणि टी-20 संघांचीही घोषणा केली आहे. सूर्यकुमार यादवकडे टी-20 मालिकेत कर्णधारपद सोपवण्यात आले आहे. एकदिवसीय मालिकेत केएल राहुल टीम इंडियाचा कर्णधार असेल. रोहित शर्मा आणि विराट कोहली टी-20 आणि एकदिवसीय मालिकेत नसतील. या दोघांनीही पांढऱ्या चेंडूच्या मालिकेपासून स्वत:ला दूर ठेवल्याचे बीसीसीआयने म्हटले आहे.
