प्रभात वृत्तसेवा
बारामती – बारामती तालुका राष्ट्रवादी शिक्षक सेलच्या वतीने गुणवंत मुख्याध्यापक, शिक्षक, शिक्षिका, शिक्षकेतर कर्मचारी यांचा सन्मान करण्यात आला.बारामती तालुका राष्ट्रवादी शिक्षक सेलचे अध्यक्ष नागनाथ ठेंगल यांनी स्वागत व प्रास्ताविक केले. यावेळी त्यांनी शाळांच्या असलेल्या अनेक समस्या येणाऱ्या अडचणी मांडून त्या सोडविण्यासाठी प्रयत्न करणार असल्याचे सांगितले. कार्यक्रमाच्या अध्यक्षस्थानी बारामती तालुका राष्ट्रवादी काँग्रेसचे अध्यक्ष राजवर्धन शिंदे होते.

यावेळी पुणे जिल्हा मध्यवर्ती सहकारी बँकेचे संचालक संभाजी होळकर, बारामती तालुका दूध संघ संचालक संजय देवकाते, कृषी उत्पन्न बाजार समिती सभापती विश्वासराव आटोळे, महाराष्ट्र प्रदेश राष्ट्रवादी काँग्रेस सोशल मिडिया उपाध्यक्ष सुनील बनसोडे, माजी मुख्याध्यापक शंकराराव घाटगे, माजी मुख्याध्यापक उपस्थित होते. राष्ट्रवादी तालुका दिव्यांग सेलचे अध्यक्ष जाधव, मुख्याध्यापक संघांचे सचिव मनोहर खोमणे आदींसह मुख्याध्यापक, शिक्षक, कर्मचारी, महिला, नातेवाईक मित्रपरिवार यांच्या उपस्थितीत कार्यक्रम पार पडला. संभाजी होळकर,राजवर्धन शिंदे आदींनी मार्गदर्शन केले.

सूत्रसंचालन होममिनिस्टर कार्यक्रमाचे संचालक कुमार देवकाते पाटील यांनी केले. मुख्याध्यापक राजेंद्र खोमणे, शिक्षक लव्हाजी घुले, दिव्यांग शिक्षक मनोज कुंभार यांनी आभार मानले. जिल्हा बँकेचे संचालक संभाजी होळकर, तालुकाध्यक्ष राजवर्धन शिंदे यांनी सर्व गुणवंतांचे कौतुक करून शुभेच्छा दिल्या. राष्ट्रवादी शिक्षक सेलचे अध्यक्ष नागनाथ ठेंगल हे सेवानिवृत्त असूनही उत्तम कामकाज करीत असल्याचा आवर्जून उल्लेख करून यापुढे ही असेच कार्य करीत राहून शिक्षण क्षेत्राला दिशा देण्याचे काम करावे.

समस्या संकलित करून आमच्याकडे सादर कराव्यात. शाळा, शिक्षक यांच्या समस्या सोडविण्यासाठी उपमुख्यमंत्री अजित पवार यांच्या माध्यमातून प्रयत्न करू, असे आश्वासन दिले.कार्यक्रम यशस्वी होण्यासाठी राष्ट्रवादी काँग्रेस भवनचे लिपिक नितीन काकडे, सेवक यांचे सहकार्य लाभले तर वाघेश्वरी विद्यालय निरावागजचे मुख्याध्यापक राजेंद्र धायगुडे यांनी आभार मानले.

सन्मानाचे मानकरी..
दिमाखदार सोहळ्यात गुणवंत मुख्याध्यापक गणेश कालगावकर, शिक्षक अनिल गावडे सर, कमलाकर गायकवाड, संतोष पवार शिक्षिका सुनिता सोरटे, सुनिता गायकवाड, लिपिक विठ्ठल जरांडे, शिक्षकेतर कर्मचारी रामभाऊ जाधव, रमेश बनकर यांनी सन्मान स्वीकारला. यावेळी सन्मान सोहळ्याने मुख्याध्यापक, शिक्षक, कर्मचारी भारावून गेले होते.