Bangladesh political conspiracy। बांगलादेशी विद्यार्थी नेते आणि इन्कलाब मंचचे प्रवक्ते शरीफ उस्मान हादी यांचे भाऊ ओमर हादी यांनी एक धक्कादायक खुलासा केला आहे. ज्यात त्यांनी अंतरिम सरकारचे नेते मोहम्मद युनूस यांच्यावर गंभीर आरोप केले आहेत. ओमर हादी यांनी दावा केला की, अंतरिम सरकारमधील एका गटाने आगामी निवडणुका लांबवण्यासाठी हादी यांच्या हत्येचे षडयंत्र रचले आहे. तसेच जर न्याय मिळाला नाही तर युनूस यांना बांगलादेश सोडावे लागेल” असे म्हणत त्यांना इशारा दिला आहे. शाहबाग याठिकाणी राष्ट्रीय संग्रहालयासमोर इनकलाब मंचने आयोजित केलेल्या कार्यक्रमाला संबोधित करताना ओमर हादी यांनी देशाच्या अंतरिम सरकारवर निशाणा साधला. यावेळी त्यांनी,”तुम्ही उस्मान हादी यांच्या हत्येचे सूत्रधार आहात आणि आता तुम्ही तो मुद्दा बनवून निवडणुका पुढे ढकलण्याचा प्रयत्न करत आहात.”असे म्हणत त्यांनी युनूस सरकारवर निशाणा साधला. त्यांनी सांगितले की, त्यांचा भाऊ फेब्रुवारीपर्यंत राष्ट्रीय निवडणुका घ्यायच्या आहेत आणि अधिकाऱ्यांना निवडणुकीचे वातावरण बिघडू देऊ नये असे आवाहन केले. युनूस यांना ओमर यांचा इशारा Bangladesh political conspiracy। यावेळी बोलताना ओमर यांनी, “मारेकऱ्यांवर लवकरात लवकर खटला चालवून निवडणुकीचे वातावरण रोखले पाहिजे. सरकारने अद्याप कोणतीही ठोस प्रगती दाखवलेली नाही.” असा आरोप देखील त्यांनी केला आहे. जर उस्मान हादीला न्याय मिळाला नाही, तर एक दिवस तुम्हालाही बांगलादेशातून पळून जावे लागेल. ” असेही त्यांनी यावेळी म्हटले. ओमर हादी यांनी पुढे असा दावा केला की. त्यांच्या भावाची हत्या करण्यात आली कारण त्याने कोणत्याही एजन्सी किंवा परदेशी मालकांसमोर झुकण्यास नकार दिला. रॅलीमध्ये बोलताना, इन्कलाब मंचचे सदस्य सचिव अब्दुल्ला अल जाबेर यांनी मारेकऱ्यांना ओळखण्यासाठी आणि अटक करण्यासाठी सरकारला दिलेल्या ३० दिवसांच्या कामाच्या अल्टिमेटमचा पुनरुच्चार केला, जो सोमवारी एका प्रेस निवेदनात प्रथम जाहीर करण्यात आला होता. जाबेर यांनी आरोप केला की जुलैच्या उठावाच्या यशाचा आणि बांगलादेशच्या सार्वभौमत्वाचा नाश करण्यासाठी या हत्याकांडांद्वारे खोलवर रुजलेले कट रचले जात आहे. उस्मान हादी ढाका-८ संसदीय मतदारसंघातून स्वतंत्र उमेदवार म्हणून निवडणूक लढवत होते. १२ डिसेंबर रोजी निवडणुकीचा प्रचार करत असताना, दोन अज्ञात हल्लेखोरांनी हादीवर गोळीबार केला. हादीला जखमी अवस्थेत जवळच्या रुग्णालयात दाखल करण्यात आले. त्यानंतर त्यांना उपचारासाठी सिंगापूरला पाठवण्यात आले, जिथे उपचारादरम्यान त्यांचा मृत्यू झाला. Bangladesh political conspiracy।
