Baahubali the epic : दक्षिण भारतीय सुपरस्टार प्रभास यांच्या बहुचर्चित ‘बाहुबली – द एपिक’ या चित्रपटाचा आज, शुक्रवार (३१ ऑक्टोबर) रोजी भव्य प्रीमियर झाला. चित्रपटाच्या प्रदर्शनानंतर सिनेमागृहांमध्ये चाहत्यांचा उत्साह अक्षरशः उसळला. काहींनी फुलांची उधळण करून आनंद साजरा केला, तर काहींनी जल्लोषात जयजयकार केला.

बाहुबलीचा नवा अवतार

‘बाहुबली – द एपिक’ हा चित्रपट म्हणजे प्रभासच्या ‘बाहुबली’ मालिकेतील दोन्ही भागांचे एकत्रित रूप आहे. या चित्रपटात संपूर्ण कथानक एका प्रवाहात दाखवण्यात आले असून, प्रेक्षकांना पुन्हा एकदा महिष्मतीच्या जगात नेले आहे.

चित्रपट प्रदर्शित होताच चाहत्यांमध्ये प्रचंड उत्सुकता दिसली. अनेक थिएटर्समध्ये लोकांनी तिकिटे मिळवण्यासाठी रांगा लावल्या. सोशल मीडियावर चित्रपटातील दृश्यांदरम्यानचा उत्साह दाखवणारे अनेक व्हिडिओ व्हायरल झाले आहेत.

Dandalayya…Maathone Nu Undalayya 🙏🙏🙏🙏❤️❤️❤️❤️#Prabhas || #BaahubaliTheEpic pic.twitter.com/BScy633K4k

— Goutham (@goutham4098) October 31, 2025

फुलांचा वर्षाव आणि जल्लोष

एका व्हिडिओमध्ये दिसते की, ‘बाहुबली – द एपिक’ चालू असताना अमरेंद्र बाहुबलीच्या बालपणाचा प्रसंग स्क्रीनवर दाखवला जातो. हा सीन पाहताच प्रेक्षकांमध्ये उत्साहाचा स्फोट होतो. काहीजण आनंदाने एका व्यक्तीला हातावर उचलून फुलांची उधळण करतात आणि घोषणांनी संपूर्ण थिएटर दुमदुमते.

WHAT THE HELL !!! 😭😭
South audience , absolute madness #BaahubaliTheEpic pic.twitter.com/RMwy2kSu52

— dk (@thefilmyyguyy) October 31, 2025

चाहत्यांचा उत्साह सोशल मीडियावर

ट्विटर आणि इन्स्टाग्रामवर चाहत्यांनी या जल्लोषाचे व्हिडिओ शेअर केले आहेत. अनेकांनी लिहिले, “हा केवळ चित्रपट नाही, हा एक अनुभव आहे!”
‘बाहुबली – द एपिक’ च्या पुनर्प्रदर्शनाने चाहत्यांना पुन्हा एकदा त्या ऐतिहासिक गाथेची अनुभूती मिळत आहे. प्रभासच्या प्रभावी अभिनयाने आणि भव्य दृश्यांनी प्रेक्षक मंत्रमुग्ध झाले आहेत.