MI vs CSK Ayush Mhatre creates history for CSK in IPL : १४ वर्षीय वैभव सूर्यवंशीचे आयपीएल पदार्पण इतिहासाच्या पानांमध्ये नोंदले गेले आहे. त्याने पहिल्याच चेंडूवर षटकार मारला इतिहास रचला. आता त्याच्यासोबतच खेळाडू आयुष म्हात्रेची आयपीएल कारकीर्दही सुरू झाली आहे. हे दोन्ही खेळाडू १९ वर्षांखालील क्रिकेट संघात एकत्र खेळले आहेत. आयुष म्हात्रेनेही आपल्या आयपीएल कारकिर्दीची सुरुवात एका वादळी खेळीने केली. यासह त्याने चेन्नई सुपर किंग्जसाठी इतिहास रचला.
आयुष म्हात्रेने सीएसकेसाठी रचला इतिहास –
आयुष म्हात्रेने मुंबई इंडियन्सच्या गोलंदाजांविरुद्ध आक्रमक फलंदाजी केली. १७ वर्षीय आयुष म्हात्रेने त्याच्या आयपीएल कारकिर्दीची सुरुवात अतिशय दमदार पद्धतीने केली. त्याने पहिल्याच चेंडूवर एक धाव घेऊन आपले खाते उघडले. यासह त्याने चेन्नई सुप किंग्जसाठी एक खास पराक्रम केला आहे. तो आयपीएलमध्ये सीएसकेचे प्रतिनिधित्व करणारा सर्वात तरुण खेळाडू ठरला आहे. या बाबतीत त्याने अभिनव मुकुंदला मागे टाकले आहे. याआधी हा विक्रम त्याच्या नावावर होता.
Pulling up at his Mhatre-bhoomi! 💪🏻🦁#MIvCSK #WhistlePodu 🦁💛 pic.twitter.com/HqmkPwNXKs
— Chennai Super Kings (@ChennaiIPL) April 20, 2025
आयपीएलमध्ये सीएसकेचे प्रतिनिधित्व करणारे सर्वात तरुण खेळाडू –
१७ वर्षे २७८ दिवस – आयुष म्हात्रे विरुद्ध एमआय, वानखेडे, २०२५*
१८ वर्षे १३९ दिवस – अभिनव मुकुंद विरुद्ध आरआर, चेन्नई, २००८
१९ वर्षे १२३ दिवस – अंकित राजपूत विरुद्ध एमआय, चेन्नई, २०१३
१९ वर्षे १४८ दिवस – मथिशा पाथिराना विरुद्ध जीटी, वानखेडे, २०२२
२० वर्षे ७९ दिवस – नूर अहमद विरुद्ध एमआय, चेन्नई, २०२५
हेही वाचा – PBKS vs RCB : विराट कोहलीने मोडला आयपीएलचा सर्वात मोठा विक्रम! रचला नवा कीर्तिमान
यानंतर आयुष म्हात्रेने दुसऱ्या चेंडूवर चौकार आणि तिसऱ्या चेंडूवर षटकार मारून आपला दृष्टिकोन दाखवला. या सामन्यात आयुष म्हात्रेने १५ चेंडूत ३२ धावांची खेळी केली. या काळात त्याच्या बॅटमधून ४ चौकार आणि २ षटकार पाहायला मिळाले. विशेष म्हणजे आयुष म्हात्रेने २१३.३३ च्या स्ट्राईक रेटने या धावा केल्या, ज्याची सीएसकेला खूप गरज होती.
हेही वाचा – PBKS vs RCB : आरसीबीने अवघ्या ४८ तासात घेतला बदला, पंजाबला दिले जशास तसे उत्तर
आयुष म्हात्रे फलंदाजीसाठी आला तेव्हा चेन्नई सुपर किंग्जने ३.१ षटकांत १ गडी गमावून फक्त १६ धावा केल्या होत्या. अशा परिस्थितीत आयुष म्हात्रेने येताच जलद गतीने धावा काढल्या आणि संघाला चांगली सुरुवात करून दिली. आयुष म्हात्रेने पॉवरप्लेमध्ये दोन्ही षटकार मारले. आतापर्यंत या हंगामात चेन्नई सुपर किंग्जच्या फलंदाजाने पॉवर प्लेमध्ये फक्त ३ षटकार मारले होते. पण आयुष म्हात्रेने त्याच्या पहिल्याच सामन्यात २ षटकार मारले.
