IND vs AUS 2nd T20 : कर्णधार मॅथ्यूचा गोलंदाजीचा निर्णय, ऑस्ट्रेलिया संघात 2 बदल तर भारतानं…; जाणून घ्या,दोन्ही संघाचे Playing 11
India vs Australia 2nd T20 Match Toss & Playing 11 Update : भारत आणि ऑस्ट्रेलिया यांच्यातील टी-20 मालिकेतील दुसरा सामना तिरुवनंतपुरम येथे होत आहे. पाच सामन्यांच्या मालिकेतील पहिला सामना भारतीय संघाने जिंकला होता. आता दुसरा सामना जिंकून मालिकेत 2-0 अशी आघाडी घेण्याचा भारताचा प्रयत्न असेल.
पहिला टी-20 सामना ज्याप्रकारे शेवटच्या चेंडूपर्यंत रोमांचक झाला होता,तेच काही या वेळीही पाहायला मिळेल. तिरुअनंतपुरमच्या ग्रीनफिल्ड इंटरनॅशनल स्टेडियमवर संध्याकाळी 7 वाजता दोन्ही संघ आमनेसामने येतील.
तत्पूर्वी, झालेला नाणेफेकीचा कौल हा ऑस्ट्रेलिया संघाच्या बाजूनं लागला आहे. ऑस्ट्रेलियन कर्णधार मॅथ्यू वेडने नाणेफेक जिंकून प्रथम गोलंदाजी करण्याचा निर्णय घेतला आहे. कांगारू संघ दोन बदलांसह या सामन्यात दाखल झाला आहे.
🚨 Toss Update 🚨
Australia elect to bowl in the 2nd T20I.
Follow the Match ▶️ https://t.co/nwYe5nO3pM#TeamIndia | #INDvAUS | @IDFCFIRSTBank pic.twitter.com/YlPPr0ppKK
— BCCI (@BCCI) November 26, 2023
त्याचवेळी भारतीय कर्णधार सूर्यकुमार यादवने सांगितले की, टाॅस जिंकला असता तर मी प्रथम गोलंदाजीचा निर्णय घेतला असता. भारतीय संघात कोणताही बदल करण्यात आलेला नाही.
IND vs AUS 2nd T20 Match : दोन्ही संघाचे Playing 11 खालीलप्रमाणे –
भारत : यशस्वी जैस्वाल, रुतुराज गायकवाड, इशान किशन (यष्टीरक्षक), सूर्यकुमार यादव (कर्णधार), टिळक वर्मा, रिंकू सिंग, अक्षर पटेल, रवी बिश्नोई, अर्शदीप सिंग, मुकेश कुमार, प्रसीध कृष्णा.
ऑस्ट्रेलिया : स्टीव्हन स्मिथ, मॅथ्यू शॉर्ट, जोश इंग्लिस, मार्कस स्टॉइनिस, टिम डेव्हिड, ग्लेन मॅक्सवेल, मॅथ्यू वेड (wk/c), शॉन अॅबॉट, नॅथन एलिस, अॅडम झाम्पा, तन्वीर संघा.
IND vs AUS 2nd T20 : ऑस्ट्रेलियानं Toss जिंकला; कर्णधार मॅथ्यूनं घेतला ‘हा’ निर्णय…
दरम्यान, भारतीय संघाने पहिला T20 सामना दोन विकेट्सने जिंकला होता. प्रथम फलंदाजी करताना ऑस्ट्रेलियाने तीन गड्यांच्या मोबदल्यात 208 धावा केल्या. प्रत्युत्तरात भारताने आठ गडी गमावून लक्ष्य गाठले. ऑस्ट्रेलियाकडून जोश इंग्लिसने शतक झळकावले होते तर भारताकडून सूर्यकुमार यादवने 80 धावा करत संघाच्या विजयात महत्वपूर्ण कामगिरी बजावली होती.
