Asian Games 2026 Quimcy Dsouza Enters Teqball Semi Finals Medal In Sight : जपानमधील नागोया येथे सुरू असलेल्या आशियाई क्रीडा स्पर्धा २०२६ (Asian Games 2026) मध्ये भारतीय खेळाडूंनी अनोख्या खेळांमध्येही आपला झेंडा फडकवण्यास सुरुवात केली आहे. भारताची महिला टेकबॉलपटू क्विमसी जोआकिम डिसोझाने पदार्पणाच्या स्पर्धेतच चमकदार कामगिरी करत महिला एकेरीच्या उपांत्य फेरीत (Semi-Finals) दिमाखात प्रवेश केला आहे. नागोया सिटी हिगाशी स्पोर्ट्स सेंटर येथे खेळल्या गेलेल्या गट ‘अ’ च्या महत्त्वपूर्ण लढतीत क्विमसीने कंबोडियाच्या कोएम्यान डीवायचा २-० अशा सरळ गेममध्ये पराभव करत अंतिम चारमध्ये स्थान निश्चित केले.

यजमान जपानला नमवले; उपांत्य फेरीत इंडोनेशियाच्या खेळाडूशी लढत!

क्विमसीने याआधी गट ‘अ’ च्या अत्यंत चुरशीच्या पहिल्या सामन्यात यजमान जपानच्या युइना साकामोटोचा १०-११, १२-११, १३-११ अशा अटीतटीच्या फरकाने पराभव केला होता. त्यानंतर तिने कंबोडियाच्या प्रतिस्पर्ध्याला १२-९ ने धूळ चारली. आता उपांत्य फेरीत क्विमसीचा सामना इंडोनेशियाच्या इमा सुमायाशी होणार आहे. हा सामना जिंकताच भारताचे या नव्याने समाविष्ट क्रीडा प्रकारात ऐतिहासिक पदक निश्चित होईल.

मिश्र दुहेरीतही भारताचा दबदबा; उपांत्यपूर्व फेरीच्या दिशेने कूच!

QUIMCY DSOUZA STORMS INTO SEMIS IN WOMEN’S SINGLES OF TEQBALL

✅ Beats World No.7 Yuina Sakamoto 🇯🇵 2-1
✅ Beats Koemyean 🇰🇭 2-0

Topper her Group & Qualified for SF

WELL DONE! 🔥🔥🔥 pic.twitter.com/2yYWSLXbG5

— The Khel India (@TheKhelIndia) September 18, 2026

एकेरीव्यतिरिक्त क्विमसीने मोहम्मद अनस इम्रान बेगच्या साथीने मिश्र दुहेरीतही भारताचे प्रतिनिधित्व केले आहे. या जोडीने गट ‘अ’ च्या सलामीच्या लढतीत फिलिपाइन्सच्या जोआना अबुलेन्सिया आणि प्रिन्स अगस्टिन या जोडीचा पराभव केला. आता भारतीय जोडीचा सामना कंबोडिया, थायलंड आणि कुवेतच्या जोडीविरुद्ध होणार असून मिश्र प्रकारातही पदकाची मोठी आशा निर्माण झाली आहे.

हेही वाचा – Sumit Nagal Loss : डेव्हिस कपमध्ये भारताला मोठा झटका! पहिला सेट जिंकूनही सुमित नागलचा ह्योन चुंगविरुद्ध निसटता पराभव

काय आहे ‘टेकबॉल’? आशियाई स्पर्धेत प्रथमच समावेश!

Sumaya Tembus Semifinal Teqball Asian Games 2026, Indonesia Berpeluang Ukir Sejarah Medali

ATLET teqball putri Indonesia, Sumaya, menjaga asa Indonesia untuk mengukir sejarah di Asian Games Aichi-Nagoya 2026. Ia sukses melenggang ke semifinal nomor Women’s Single usai… pic.twitter.com/MhyqjqIhcP

— Media Indonesia (@mediaindonesia) September 18, 2026

टेकबॉल या खेळाची सुरुवात हंगेरीमध्ये झाली असून तो फुटबॉल, टेबल टेनिस आणि सेपक टकरा यांचे रंजक मिश्रण मानला जातो. हा खेळ वक्राकार (Curved) टेबलवर फुटबॉलच्या नियमांच्या आधारे खेळला जातो. आयची-नागोया २०२६ मध्ये टेकबॉलचा पहिल्यांदाच अधिकृत खेळ म्हणून समावेश करण्यात आला असून, पुरुष व महिला एकेरी, दुहेरी आणि मिश्र दुहेरी अशा एकूण पाच प्रकारांत पदकांचा थरार रंगत आहे.