Mens Kabaddi Gold : सकाळी महिला अन् संध्याकाळी पुरुष! इराणचा सलग दोनदा पाडला फडशा; भारताने एकाच दिवशी जिंकले दोन सुवर्ण
Mens Kabaddi Gold : भारताने आशियाई क्रीडा स्पर्धेत पुरुषांच्या कबड्डीमध्ये सलग दुसऱ्यांदा आणि एकूण नवव्यांदा सुवर्णपदक जिंकले. यापूर्वी केवळ एकदाच इराणने सुवर्णपदक जिंकल्यामुळे भारताला हे विजेतेपद मिळवता आले नव्हते.
Asian Games 2026 India Mens Kabaddi Beats Iran 40-34 Double Gold Medal : जपानमधील आयची-नागोया येथे सुरू असलेल्या आशियाई क्रीडा स्पर्धा २०२६ (Asian Games 2026) च्या सातव्या दिवशी भारतीय कबड्डीपटूंनी जगज्जेतेपदाचा डंका वाजवला आहे. शनिवारी, २६ सप्टेंबर रोजी सकाळी महिला संघाने इराणला नमवून सुवर्ण जिंकल्यानंतर, संध्याकाळी भारतीय पुरुष संघानेही त्याच कामगिरीची पुनरावृत्ती केली. अत्यंत रोमहर्षक ठरलेल्या अंतिम सामन्यात भारताने पारंपरिक प्रतिस्पर्धी इराणचा ४०-३४ असा धुव्वा उडवत दिमाखात सुवर्णपदक (Gold Medal) पटकावले. या दुहेरी सुवर्णाने पदकतालिकेत भारताचे स्थान अधिक मजबूत केले आहे.
पहिल्या हाफमध्ये इराणची आघाडी; ३ गुणांनी पिछाडीवर असताना भारताचे कमबॅक!
अंतिम सामन्याची सुरुवात श्वास रोखून धरणारी झाली. सुरुवातीला आघाडीवर असणाऱ्या भारताला पहिल्या हाफच्या अखेरीस इराणच्या भक्कम टॅकल्सचा फटका बसला आणि इराणने १८-१७ अशी निसटती आघाडी घेतली. दुसऱ्या हाफच्या सुरुवातीला इराणने ही आघाडी ३ गुणांवर नेली होती. मात्र, इथून भारताने सामन्याचा नूरच पालटला. जयदीप आणि सुमितच्या अभेद्य पकडींनी तर अर्जुन देशवालच्या झंझावाती चढायांनी इराणच्या बचावफळीची दाणादाण उडवून दिली.
दुसऱ्या हाफमध्ये २३ गुणांची लूट; इराणला पुन्हा चारली पराभवाची धूळ!
🚨 INDIA BECOMES KABADDI CHAMPION
Indian men’s Kabaddi team defeated Iran 40-34 in a thrilling final to win a record ninth Asian Games gold medal 🇮🇳
It’s the second gold for India today after the women’s team also won the title. 🫡🙌 pic.twitter.com/uc2fOl1ymb
— News Algebra (@NewsAlgebraIND) September 26, 2026
दुसऱ्या हाफमध्ये भारतीय संघाने रणनीतीत बदल करत इराणवर प्रचंड दबाव आणला. भारताने दुसऱ्या हाफमध्ये तब्बल २३ गुणांची कमाई केली, तर इराणला अवघे १६ गुणच गोळा करता आले. २०१८ च्या जकार्ता आशियाई स्पर्धेत इराणविरुद्ध झालेल्या पराभवाची सव्याज परतफेड भारताने सलग दोन आशियाई स्पर्धांमध्ये इराणला अंतिम फेरीत नमवून पूर्ण केली आहे.
१० पैकी ९ स्पर्धांत चॅम्पियन; भारताचे कबड्डीवर निर्विवाद साम्राज्य!
: The undisputed kings of the mat have laid down the law!
A tactical masterclass in the second half as the Indian Men’s Kabaddi Team beats arch-rivals Iran 39-35 to seal the GOLD MEDAL at the Asian Games 2026!
10 Editions. 9 Finals. 8 Men’s Gold Medals. The absolute standard… pic.twitter.com/MyeWGJqkxA
— Anil Bansal (@dilseanilbansal) September 26, 2026
आशियाई क्रीडा स्पर्धेत पुरुष कबड्डी प्रकारात भारताचे हे एकूण नववे सुवर्णपदक ठरले आहे. आशियाडच्या इतिहासात आतापर्यंत झालेल्या १० स्पर्धांपैकी भारताने ९ वेळा अंतिम फेरी गाठली आणि प्रत्येक वेळी सुवर्णपदकावर नाव कोरले. २०१८ चा अपवाद वगळता भारताला आजवर कोणीही पराभूत करू शकलेले नाही.
