Asian Games 2026 India Mens Cricket Team Practice Session Shreyas Iyer Captaincy : आशियाई क्रीडा स्पर्धा २०२६ (Asian Games 2026) मधील क्रिकेट स्पर्धांना सुरुवात होताच भारतीय पुरुष क्रिकेट संघाने मैदानावर जोरदार तयारी सुरू केली आहे. स्पर्धेत पुन्हा एकदा सुवर्णपदक पटकावण्याच्या इराद्याने भारतीय संघाने इनडोअर नेट सेशनमध्ये कसून सराव केला. बीसीसीआयने (BCCI) या सरावाचा खास व्हिडीओ शेअर केला असून, संजू सॅमसनसह प्रमुख फलंदाज आणि गोलंदाज कसून घाम गाळताना दिसले. मुख्य प्रशिक्षक व्हीव्हीएस लक्ष्मण (VVS Laxman) यांच्या देखरेखीखाली संपूर्ण संघ रणनीती आखण्यात व्यग्र होता.

गेल्या वेळी पावसामुळे सुवर्ण; यंदा मैदानात बाजी मारण्याचा निर्धार!

आशियाई क्रीडा स्पर्धेतील ही मोहीम भारतासाठी अत्यंत प्रतिष्ठेची आहे. गेल्या आशियाई स्पर्धेत ऋतुराज गायकवाडच्या नेतृत्वाखालील भारतीय पुरुष संघाने सुवर्णपदक (Gold Medal) जिंकले होते. त्यावेळी अंतिम सामन्यात अफगाणिस्तानविरुद्ध पावसाचा व्यत्यय आल्याने चांगल्या सीडिंगच्या जोरावर भारताला विजेता घोषित केले गेले होते. त्यामुळे यावेळी मैदानावर निर्विवाद वर्चस्व गाजवून सुवर्ण राखण्याचे मोठे आव्हान भारतीय संघासमोर असणार आहे.

श्रेयस अय्यरच्या हाती नेतृत्व; आयपीएल चॅम्पियन कर्णधारावर मोठी जबाबदारी!

Keeping the intensity high 💪

🎥 Glimpses from #TeamIndia‘s indoor training session as we inch closer to the #AsianGames 🔥 pic.twitter.com/88tI2dxgK5

— BCCI (@BCCI) September 24, 2026

यंदा भारतीय संघाची कमान अनुभवी श्रेयस अय्यरकडे (Shreyas Iyer) सोपवण्यात आली आहे. आयपीएलमध्ये कोलकाता नाईट रायडर्सला चॅम्पियन बनवणारा आणि मुंबईला सय्यद मुश्ताक अली ट्रॉफी जिंकवून देणारा अय्यर एक यशस्वी कर्णधार म्हणून ओळखला जातो. २०२५ मध्ये पंजाब किंग्सला फायनलपर्यंत नेणाऱ्या अय्यरच्या नेतृत्वाखाली टीम इंडिया कशी कामगिरी करते याकडे क्रीडाविश्वाचे लक्ष लागले आहे. युवा फलंदाज तिलक वर्माकडे उपकर्णधारपद देण्यात आले आहे.

हेही वाचा – Top 10 Sports News : भारताचे १५ वे पदक, गोव्यात आयपीएलचा महाबाजार अन् गांगुलीच्या बायोपिकमुळे क्लबला मोठा दंड; पाहा टॉप-१० घडामोडी!

स्टार खेळाडूंची फौज; २८ सप्टेंबरपासून भारताची मोहीम सुरू!

संघात अभिषेक शर्मा, संजू सॅमसन, इशान किशन, शिवम दुबे, अक्षर पटेल, वॉशिंग्टन सुंदर आणि रवी बिश्नोई यांसारखे मॅचविनर्स आहेत. वेगवान आक्रमणाची धुरा जसप्रीत बुमराह, अर्शदीप सिंह आणि यश ठाकूर यांच्यावर असेल. महिला संघाने आधीच श्रीलंकेला हरवून सुवर्ण जिंकले असून, पुरुष स्पर्धा २४ सप्टेंबरपासून सुरू झाली असली तरी भारताचा पहिला सामना २८ सप्टेंबर रोजी रंगणार आहे.