Vithya Ramraj Bronze : ट्रक ड्रायव्हरच्या लेकीने आशियाई स्पर्धेत रचला इतिहास! पीटी उषाचा ४२ वर्षे जुना विक्रम मोडत पदकावर कोरलं नाव
Vithya Ramraj Bronze : पीटी उषा यांनी १९८४ मध्ये महिलांच्या ४०० मीटर अडथळा शर्यतीत प्रस्थापित केलेला राष्ट्रीय विक्रम मोडला आहे. विथ्या रामराजनं २०२६ च्या आशियाई क्रीडा स्पर्धेत पदक जिंकून पीटी उषाचा विक्रम मोडला.
Asian Games 2026 Vithya Ramraj Wins Bronze In 400m Hurdles Breaks PT Usha 42 Year Old Record : आशियाई क्रीडा स्पर्धा २०२६ (Asian Games 2026) च्या ॲथलेटिक्स ट्रॅकवर भारताची २८ वर्षीय धावपटू विथ्या रामराजनं (Vithya Ramraj) इतिहास रचला आहे. महिलांच्या ४०० मीटर अडथळा शर्यतीत (400m Hurdles) विथ्याने ५४.७५ सेकंदांची वेळ नोंदवत कांस्यपदक (Bronze Medal) पटकावलं. युएईच्या मरियम करीमने ५४.३१ सेकंदांच्या स्पर्धा विक्रमासह सुवर्ण, तर कझाकस्तानच्या एडेलिना जेम्सने ५४.५८ सेकंदांसह रौप्यपदक जिंकलं. भारताची दुसरी धावपटू अनु राघवन ५५.८८ सेकंदांच्या वैयक्तिक सर्वोत्तम वेळेसह पाचव्या स्थानावर राहिली.
पीटी उषांचा १९८४ चा राष्ट्रीय विक्रम मोडला; नागोयात सुवर्णक्षण!
या ऐतिहासिक शर्यतीसह विथ्यानं ‘उडणपरी’ पीटी उषा यांचा तब्बल ४२ वर्षे जुना राष्ट्रीय विक्रम मोडला. पीटी उषा यांनी १९८४ च्या लॉस एंजेलिस ऑलिम्पिकमध्ये ५५.४२ सेकंदांची नोंद करत हा विक्रम प्रस्थापित केला होता. विशेष म्हणजे, पीटी उषा सध्या भारतीय ऑलिम्पिक असोसिएशनच्या (IOA) अध्यक्षा असून त्या स्वतः नागोयामध्ये उपस्थित असताना त्यांच्या डोळ्यांदेखत विथ्यानं हा विक्रम मोडला आहे.
आशियाई स्पर्धेतील पाचवं पदक; नागोयात दुहेरी यश!
BRONZE FOR VITHYA RAMRAJ!
Vithya clears all 10 hurdles in 54.75s to win bronze in the Women’s 400m Hurdles at the #AsianGames2026 — a massive PB and NEW NATIONAL RECORD!
She breaks the 55.42s mark set by P.T. Usha in 1984 — a record she herself equalled in 2023.
🥇 Mariam…
— nnis Sports|Asian GamesAthletics (@nnis_sports) September 28, 2026
चालू आशियाई स्पर्धेत ४x४०० मीटर मिश्र रिलेमध्ये रौप्य जिंकणाऱ्या भारतीय संघात विथ्याचा समावेश होता, त्यामुळे नागोयातील तिचं हे दुसरं पदक ठरलं आहे. यापूर्वी २०२२ च्या आशियाडमध्ये तिने ४०० मीटर अडथळा शर्यतीत कांस्य, तर महिला व मिश्र ४x४०० मीटर रिलेमध्ये दोन रौप्य जिंकली होती. यासह आशियाई खेळांच्या इतिहासातील तिच्या पदकांची संख्या आता तब्बल ५ वर पोहोचली आहे.
वडिलांनी चालवतात ट्रक, स्वतः रेल्वेत नोकरीला; तमिळनाडूच्या लेकीची भरारी!
तमिळनाडूच्या कोईम्बतूर येथील एका सामान्य कुटुंबात जन्मलेल्या विथ्याचा इथवरचा प्रवास खडतर संघर्षाचा आहे. तिचे वडील ट्रक चालक असून आई गृहिणी आहे. तिची जुळी बहीण नित्या हीदेखील ॲथलीट आहे. २०१७ पर्यंत १०० व २०० मीटर स्प्रिंट धावणारी विथ्या सध्या भारतीय रेल्वेत कार्यरत असून तिनं संपूर्ण देशाची मान उंचावली आहे.
