Asian Games 2026 Pinky Balhara Wins Bronze In Kurash 3500 Year Old Sport : जपानमध्ये सुरू असलेल्या आशियाई क्रीडा स्पर्धा २०२६ (Asian Games 2026) मध्ये भारताची महिला खेळाडू पिंकी बलहाराने (Pinky Balhara) थेट ३५०० वर्षे जुना इतिहास लाभलेल्या खेळात पदक जिंकून नवा अध्याय लिहिला आहे. कुस्तीचाच एक प्राचीन प्रकार असलेल्या ‘कुराश’च्या (Kurash) महिलांच्या ७८ किलो वजन गटात पिंकीने चमकदार कामगिरी करत कांस्यपदक (Bronze Medal) पटकावलं आहे. या पदकासह आशियाडच्या इतिहासात कुराश प्रकारात एकापेक्षा जास्त पदकं जिंकणारी ती पहिलीच भारतीय खेळाडू ठरली आहे.

२०१८ मध्ये रौप्य अन् आता कांस्य; भारताचं एकूण तिसरं पदक!

पिंकी बलहाराने २०१८ च्या जकार्ता आशियाई स्पर्धेत कुराशमध्ये भारताला रौप्यपदक मिळवून दिलं होतं. आता नागोयात कांस्य जिंकून तिनं सलग दोन आशियाई स्पर्धांमध्ये पदकावर मोहर उमटवली आहे. आशियाडच्या इतिहासात कुराश खेळात भारताचे हे एकूण तिसरं पदक ठरलं आहे. यापूर्वी २०१८ मध्येच मालप्रभा जाधवनं महिलांच्या ५२ किलो गटात भारतासाठी कांस्यपदक जिंकलं होतं.

उपांत्यपूर्व फेरीत दक्षिण कोरियाचा ३-० ने धुव्वा; सेमीफायनलमध्ये हुकलं सुवर्ण!

Heartiest congratulations to Pinkcy Balhara (TAGG Athlete) on securing the Bronze Medal in Women’s -78kg Kurash at the #AsianGames2026.#Cheer4Bharat pic.twitter.com/hNCGgYWI41

— Dr Mansukh Mandaviya (@mansukhmandviya) September 28, 2026

पिंकीने उपांत्यपूर्व फेरीत आशियाई अजिंक्यपद स्पर्धेतील रौप्यपदक विजेती दक्षिण कोरियाची लिम गरम हिचा ३-० असा एकतर्फी पराभव करत थेट उपांत्य फेरीत धडक मारली आणि भारताचे पदक निश्चित केलं. मात्र, उपांत्य फेरीच्या अटीतटीच्या लढतीत तिला पराभव पत्करावा लागल्याने पदकाचा रंग बदलता आला नाही आणि तिला कांस्यपदकावर समाधान मानावं लागलं.

हेही वाचा – Esha Singh Silver : अवघ्या एका शॉटने हुकले सुवर्णपदक! तब्बल ५ शूट-ऑफचा थरार जिंकत ईशा सिंगने पटकावलं ऐतिहासिक रौप्यपदक

काय आहे ३५०० वर्षे जुना खेळ ‘कुराश’?

BRONZE FOR BHARAT IN KURASH! 🥉

Heartiest congratulations to Pinkcy Balhara on winning the Bronze Medal in Women’s -78kg Kurash at the #AsianGames2026!

Kurash is an ancient Central Asian folk wrestling style focused entirely on standing throws. Unlike judo or traditional… pic.twitter.com/I7YMza2Zfz

— Kiren Rijiju (@KirenRijiju) September 28, 2026

कुराश हा पारंपरिक कुस्तीसारखाच खेळ असून त्याचा उगम उझबेकिस्तानमध्ये झाला आहे. या खेळाला तब्बल ३५०० वर्षांचा प्राचीन इतिहास आहे. यामध्ये खेळाडू विशेष जॅकेट आणि त्यावर समान रंगाचा बेल्ट बांधून रिंगणात उतरतात. २०१८ च्या जकार्ता आशियाई क्रीडा स्पर्धेत कुराशचा पहिल्यांदाच समावेश करण्यात आला होता.