Yuki Kurihara Gold : वय अवघं ११ वर्षे, शाळेचा गणवेश अन् रोज ८ तास गेमिंग! वैभवपैक्षा लहान खेळाडूने आशियाई स्पर्धेत जिंकलं सुवर्णपदक
Yuki Kurihara Gold : तो वैभव सूर्यवंशीपेक्षा लहान आहे, पण वैभवच्या उलट, तो मैदानावर खेळत नाही. तो एक ई-स्पोर्ट्स खेळाडू आहे.
Asian Games 2026 11 Year Old Yuki Kurihara Wins Esports Gold Youngest Champion : आशियाई क्रीडा स्पर्धा २०२६ (Asian Games 2026) मध्ये एका ११ वर्षांच्या चिमुकल्याने संपूर्ण क्रीडा जगताचे डोळे विस्फारून टाकणारा चमत्कार घडवला आहे. जपानच्या अवघ्या ११ वर्षांच्या शाळकरी खेळाडू युकी कुरीहाराने (Yuki Kurihara) ई-स्पोर्ट्सच्या पुयो-पुयो चॅम्पियनशिपमध्ये (Esports Puyo Puyo) प्रतिस्पर्ध्यांना धूळ चारत थेट सुवर्णपदक (Gold Medal) पटकावले आहे. आशियाई क्रीडा स्पर्धेच्या इतिहासातील तो आतापर्यंतचा सर्वात तरुण सुवर्णपदक विजेता ठरला आहे.
शाळेचा अभ्यास सांभाळत रोज ८ तास गेमिंग; नागोयात एकतर्फी वर्चस्व!
युकी अजून प्राथमिक शाळेत शिकत असून, शाळेचा अभ्यास सांभाळून तो दररोज तब्बल ८ तास संगणकावर गेमिंगचा कसून सराव करतो. हीच त्याची मुख्य ट्रेनिंग ठरली. या कौशल्याच्या जोरावर त्याने संपूर्ण स्पर्धेत एकतर्फी वर्चस्व गाजवले. उपांत्य फेरीत त्याने १०-१ असा धुव्वा उडवला, तर अंतिम सामन्यात दक्षिण कोरियाच्या अनुभवी कांग डोंगशिनला १०-२ अशा प्रचंड फरकाने नमवून सुवर्णपदकावर आपले नाव कोरले.
अडीच पट मोठ्या २८ वर्षीय दिग्गजाला लोळवले; सेमीफायनलमध्ये महाधमाका!
Japan’s 11-year-old eSports prodigy Yuki Kurihara said he was “embarrassed” after winning Asian Games gold by thrashing a series of opponents up to three times his age 😅
The bespectacled primary school student, believed to be the youngest competitor at the Games in… pic.twitter.com/QsJkGyhPA9
— Sportstar (@sportstarweb) September 26, 2026
युकीने उपांत्य फेरीत थायलंडच्या ज्या तनारक वोंगकितिकुनचा १०-१ असा पराभव केला, त्याचे वय २८ वर्षे होते. म्हणजेच युकीपेक्षा अडीच पटीने मोठ्या असणाऱ्या आंतरराष्ट्रीय खेळाडूला या बालचमत्कार खेळाडूने अवघ्या काही मिनिटांत पराभूत केले. क्रीडांगणावर धावणाऱ्या पारंपरिक खेळाडूंप्रमाणे हा खेळ मैदानावर नसला, तरी संगणक आणि कन्सोलवर बुद्धी आणि बोटांच्या वेगवान हालचालींवर आधारित या ई-स्पोर्ट्समध्ये युकीने सर्वांना थक्क केले.
आशियाई खेळांतील सर्वात तरुण सुवर्णपदक विजेता; जगभर कौतुक!
Yuki Kurihara, Japan’s 11-year-old e-sports prodigy, wins Asian Games gold https://t.co/uMpcNOWR4b pic.twitter.com/OWZ4xTBv6A
— AJE Sport (@AJE_Sport) September 26, 2026
भारताचा युवा क्रिकेटपटू वैभव सूर्यवंशी जसा वयाच्या मानाने आंतरराष्ट्रीय स्तरावर चमकतोय, तशीच चर्चा आता युकीच्या नावाने जगभरात सुरू आहे. आशियाई क्रीडा स्पर्धेत वयाचा असा कोणताही अधिकृत रेकॉर्ड नसला, तरी इतक्या लहान वयात आशियाड सुवर्ण जिंकणारा युकी हा पहिलाच खेळाडू ठरला आहे.
