Asha Bhosle Death: ‘सुरांची राणी’ म्हणून ओळखल्या जाणाऱ्या आशा भोसले यांनी आपल्या कारकिर्दीत हजारो गाण्यांनी इतिहास रचला, पण त्यांचे वैयक्तिक आयुष्यही तेवढ्याच संघर्षांची भरलेले होते.

वयाच्या ९२ व्या वर्षी या महान गायिकेने जगाचा निरोप घेतला अन् एका युगाचा अंत झाला. त्यांनी विविध भाषांतील ह इथपर्यंतचा त्यांचा प्रवास संघर्ष, वेदना आणि कठीण निर्णयांनी भरलेला होता.

आशाताईंच्या वैयक्तिक आयुष्याबद्दल बोलायचे झाल्यास, त्यांनी लहान वयातच पळून जाऊन लग्न केले, पण नंतर त्यांना सासरच्या घरी कौटुंबिक हिंसाचाराचा सामना करावा लागला. त्यानंतर त्यांनी आपल्या मुलांना एकट्याने वाढवण्याचा निश्चय केला. पण त्यांचे दुःख तिथेच संपले नाही; त्यांच्या मुलीची आत्महत्या आणि मुलाच्या मृत्यूने त्यांना खोलवर जखम झाली.

आशा भोसले यांचा जन्म १९३३ मध्ये महाराष्ट्रातील सांगली याठिकाणी झाला. त्या प्रसिद्ध गायक दीनानाथ मंगेशकर यांच्या कन्या आहेत. मात्र, त्या अवघ्या ९ वर्षांच्या असतानाच त्यांच्या वडिलांचे निधन झाले. यानंतर कुटुंबाची जबाबदारी अचानक त्यांच्या खांद्यावर आली.

आपली मोठी बहीण लता मंगेशकर यांच्यासोबत त्यांनी लहान वयातच गाण्यास सुरुवात केली आणि कुटुंबाला आधार देण्याचा प्रयत्न केला. इथूनच  त्यांच्या संघर्षाची सुरुवात झाली, ज्यामुळे त्या अधिक कणखर बनल्या.

पळून जाऊन लग्न : पहिले लग्न Asha Bhosle Death: 
वयाच्या अवघ्या १६ व्या वर्षी, आशा भोसले यांनी कुटुंबाचा विरोध झुगारून आपल्यापेक्षा १५ वर्षांनी मोठे असलेल्या गणपतराव भोसले यांच्याशी लग्न केले. त्या घरातून पळून गेल्या. मात्र, लग्नानंतरचे त्यांचे आयुष्य सोपे नव्हते.

सासरच्या मंडळींकडून त्यांना वाईट वागणूक मिळाली आणि त्या कौटुंबिक हिंसाचाराच्याही बळी ठरल्या. परिस्थिती इतकी बिकट झाली की, गरोदरपणातच त्यांना पतीचे घर सोडून मुलांसह माहेरी परतावे लागले. यानंतर त्या पतीपासून विभक्त झाल्या आणि एकट्यानेच मुलांची काळजी घेऊ लागल्या.

आर. डी. बर्मन यांच्याशी दुसरे लग्न
पहिले लग्न संपुष्टात आल्यानंतर जवळपास दोन दशकांनी, आशा भोसले यांनी प्रसिद्ध संगीतकार आर. डी. बर्मन यांच्याशी दुसरे लग्न केले. या जोडीने संगीतविश्वाला अनेक अविस्मरणीय गाणी दिली. मात्र, हे नाते फार काळ टिकले नाही.

आर. डी. बर्मन यांच्या निधनाने त्या पुन्हा एकदा एकट्या पडल्या. वैयक्तिक अडचणी असूनही, आशा भोसले यांनी आपल्या कारकिर्दीत कधीही मागे वळून पाहिले नाही आणि आपल्या आवाजाने पिढ्यानपिढ्या लोकांना मंत्रमुग्ध केले.

मुलांच्या मृत्यूमुळे आलेले दुःख Asha Bhosle Death: 
आशा भोसले यांना त्यांच्या पहिल्या लग्नापासून हेमंत, वर्षा आणि आनंद अशी तीन मुले होती. मात्र, आयुष्याने त्यांना एक मोठा धक्का दिला. त्यांचा मोठा मुलगा, हेमंत भोसले, २०१५ मध्ये कर्करोगाने मरण पावला, तर त्यांची मुलगी, वर्षा भोसले, हिने २०१२ मध्ये आत्महत्या केली. या घटनांमुळे त्या खूप खचून गेल्या, पण त्यांनी स्वतःला सावरले आणि आपले काम सुरू ठेवले. त्यांचा धाकटा मुलगा, आनंद भोसले हे त्यांच्यासोबत नेहमीच असत.

दरम्यान, आशा भोसले या वयातही रिॲलिटी शोमध्ये सक्रिय होत्या, पण काही काळापासून त्यांची प्रकृती खालावत होती. यामुळे त्यांना मुंबईतील एका रुग्णालयात दाखल करण्यात आले, ज्याठिकाणी आज त्यांनी अखेरचा श्वास घेतला.