Asaduddin Owaisi On Congress :  एआयएमआयएमचे प्रमुख असदुद्दीन ओवैसी (Asaduddin Owaisi) यांनी हैदराबादमधील एका सभेत काँग्रेस  (Congress) नेते राहुल गांधी यांना हैदराबादमधून लोकसभा निवडणूक लढवण्याचे आव्हान दिले आहे. एवढेच नाही तर ओवैसींनी या रॅलीत काँग्रेसलाही खडसावत त्यांनी भाजपशी हातमिळवणी केल्याचा गंभीर आरोपही केला.

राहुल गांधींना आव्हान देताना असदुद्दीन ओवैसी(Asaduddin Owaisi) यांनी, “मी काँग्रेसच्या (Congress)  म्हणजेच राहुल गांधींनी वायनाडमधून नाही तर हैदराबादमधून निवडणूक लढवण्याचे आव्हान देतो. तुम्ही मोठ्या मोठ्या गप्पा मारता जरा जमिनीवर येऊन लढा. काँग्रेसचे लोक खूप काही बोलतील. पण मी तयार आहे. हीच काँग्रेस  (Congress) होती. जेव्हा बाबरी मशीद आणि सचिवालय मशीद पाडण्यात आली होती, असा आरोप देखील ओवैसी (Asaduddin Owaisi) यांनी यावेळी केला.

अलीकडेच, संसदेत महिला आरक्षण विधेयक मंजूर करण्यात आले आहे, ज्यामध्ये एआयएमआयएम ( AIMIM) वगळता सर्व विरोधी पक्षांनी विधेयकाच्या बाजूने मतदान केले. यावर असदुद्दीन ओवैसी  (Asaduddin Owaisi) यांनी काँग्रेस, समाजवादी पक्ष आणि राजदचे नाव घेऊन  यावेळी टीका केली.  असदुद्दीन ओवैसी  म्हणाले, “तुम्ही संसदेत मुस्लिमांचे नावही घेतले नाही. काँग्रेस, समाजवादी पक्ष आणि लालू यादव यांचा पक्ष आरजेडीला संसदेत मुस्लिमांचे नाव घेण्याची भीती वाटते. मी उभा राहिलो आणि म्हणालो की, मुस्लिम महिला आणि ओबीसींना मिळाले पाहिजे. आरक्षण..”

तसेच पुढे बोलताना असदुद्दीन ओवैसी (Asaduddin Owaisi)यांनी, “मी महिलांच्या विरोधात आहे, असे ते सांगत राहिले, पण प्रत्यक्षात हे लोक महिला, ओबीसी आणि मुस्लिमांच्या विरोधात आहेत. मी म्हणालो की, महिला आरक्षण विधेयक लागू झाले तर ते मुस्लिमांनाही मिळाले पाहिजे, ओबीसींनाही ते मिळाले पाहिजे. “आपल्याला भेटायला हवं. काँग्रेसवाले 450 खासदार तुमच्यासोबत आहेत, असं सांगितल्यावर मी म्हणालो, काँग्रेसवाले ऐका, काँग्रेस आणि भाजप एकत्र आहेत, समाजवादी आणि काँग्रेस एकत्र आहेत, असा संदेश मी संपूर्ण भारताला दिला आहे. मी सर्वांच्या विरोधात एकटा उभा आहे. आणि तुम्ही मिसळलेले आहात.”असा आरोप देखील त्यांनी यावेळी केला.