Aryna Sabalenka Complains Marijuana Smell US Open 2026 Beats Kamila Rakhimova : अमेरिकन ओपन २०२६ (US Open 2026) स्पर्धेत दोन वेळची गतविजेती आणि जागतिक क्रमवारीत अव्वल स्थानी असलेली आर्यना सबलेन्का (Aryna Sabalenka) हिला चौथ्या फेरीत पोहोचण्यासाठी केवळ प्रतिस्पर्ध्याविरुद्धच नव्हे, तर चक्क कोर्टवर पसरलेल्या गांजाच्या दुर्गंधीशीही दोन हात करावे लागले. लुईस आर्मस्ट्राँग स्टेडियमवर रंगलेल्या या सामन्यात गांजाच्या उग्र वासामुळे सबलेन्काला थेट खेळ थांबवून पंचांकडे धाव घ्यावी लागली. या विचित्र अडथळ्यानंतरही तिने चमकदार खेळ करत सलग १६ व्या विजयासह आगेकूच कायम ठेवली.

सर्व्हिस करताना अचानक थांबली; हवेत पसरला होता गांजाचा वास! (Sabalenka Complains Marijuana)

उझबेकिस्तानच्या कामिला राखिमोव्हाविरुद्धच्या सामन्यात तिसऱ्या गेमदरम्यान सर्व्हिस करत असताना सबलेन्का अचानक स्तब्ध उभी राहिली. तिने सलग दोन वेळा चेंडू टॉस केला, मात्र सर्व्हिस न करता थांबणे पसंत केले. मैदानात आणि प्रेक्षागृहाच्या परिसरातून गांजाचा प्रचंड वास येत असल्याचे जाणवताच तिने तात्काळ चेअर अंपायरकडे जाऊन याची तक्रार केली. या अनपेक्षित घटनेमुळे कोर्टवरील वातावरण काही काळ तणावपूर्ण बनले होते.

“कोर्टबाहेर काहीही करा, इथे वास सहन होत नाही!”; सबलेन्काचा मिश्कील टोला  (Sabalenka Complains Marijuana)

Aryna Sabalenka tuvo que quejarse con el juez de silla a mitad de un partido del @usopen debido a que alguien estaba fumando marihuana:

«Alguien está fumando marihuana. ¿Le importa? Porque el olor es muy fuerte», dijo 😳 pic.twitter.com/EGFVyQGEPa

— Carlos Montero (@CMonteroOficial) September 4, 2026

सामन्यानंतर पत्रकारांशी बोलताना सबलेन्काने या घटनेवर नाराजी व्यक्त करत हसतमुखाने टोला लगावला. ती म्हणाली, “तुम्हाला जे हवे ते ओढा, निवांत राहा; पण कृपया कोर्टच्या आसपास असे प्रकार करू नका. जेव्हा तुम्ही सर्वोत्तम खेळ दाखवण्याचा प्रयत्न करत असता, तेव्हा अशी दुर्गंधी सहन करणे अत्यंत कठीण जाते.” पत्रकार परिषदेत उच्च दर्जाच्या खेळावर प्रश्न विचारला असता ती मिश्कीलपणे म्हणाली, “तिथे इतका धूर होता की प्रेक्षकांमुळे कदाचित मलाच नशा चढली असती!”

हेही वाचा -Duleep Trophy Final : दुलीप ट्रॉफीच्या फायनलचा थरार चेपॉकवर रंगणार! गौतम गंभीरने फक्त ‘या’ तीन खेळाडूंना दिली खेळण्याची परवानगी

राखिमोव्हाचा ६-३, ६-४ ने पराभव; सलग तिसऱ्या जेतेपदाकडे कूच!  (Sabalenka Complains Marijuana)

या सर्व त्रासावर मात करत सबलेन्काने ५४ मिनिटे चाललेल्या दुसऱ्या सेटच्या चुरशीनंतर कामिला राखिमोव्हाचा ६-३, ६-४ असा सरळ सेटमध्ये पाडाव केला. सेरेना विल्यम्सनंतर सलग तीन वेळा यूएस ओपन जिंकणारी पहिली महिला खेळाडू बनण्याच्या ऐतिहासिक उंबरठ्यावर ती पोहोचली आहे. आता उपांत्यपूर्व फेरीच्या तिकिटासाठी चौथ्या फेरीत तिचा सामना अमेरिकेच्या टेलर टाऊनसेंडविरुद्ध रंगणार आहे.