सातारा – जिल्ह्यातील ११८ गावांमध्ये रास्त भाव दुकानांसाठी इच्छुकांनी अर्ज करणयाचे आवाहन जिल्हा पुरवठा अधिकारी वैशाली राजमाने यांनी केले आहे.
प्राधान्यक्रमाने सातारा तालुक्यातील 14 गावे, शहरी भागासाठी 1, वाई तालुक्यातील 19 गावे, कराड तालुक्यातील 6 गावे, महाबळेश्वर तालुक्यातील 47, कोरेगाव तालुक्यातील 12, खटाव तालुक्यातील 9, फलटण तालुक्यातील 3, पाटण तालुक्यातील 3 व माण तालुक्यातील 4 अशा एकूण 118 या गावांमधील रास्त भाव दुकानांचा जाहीरनामा प्रसिद्ध करण्यात आला आहे.

इच्छुकांनी रास्त भाव दुकानांसाठी अर्ज करावेत, असे आवाहन राजमाने यांनी केले आहे. ग्रामपंचायत व तत्सम स्थानिक स्वराज्य संस्था, नोंदणीकृत स्वयंसहायता बचत गट, नोंदणीकृत सहकारी संस्था, महिलांच्या स्वयंसहायता बचत गट व महिलांच्या सहकारी संस्था यांना प्राथम्यक्रमानुसार नवीन रास्त भाव दुकानाकरिता संबंधित तहसील कार्यालयातील पुरवठा शाखेकडे 31 जुलैपूर्वी अर्ज करावा, असे त्यांनी सांगितले.