Anushka Sen: टेलिव्हिजन अभिनेत्री आणि सोशल मीडिया इन्फ्लुएंसर अनुष्का सेन हिचा आज २३वा वाढदिवस आहे. या खास दिवशी अनुष्काने आपल्या चाहत्यांसोबत तिच्या वाढदिवसाचे सुंदर क्षण सोशल मीडियावर शेअर केले आहेत. इंस्टाग्रामवर पोस्ट केलेल्या फोटोमधून अनुष्काचा ग्लॅमरस अंदाज पाहायला मिळतोय.

जन्मदिवसाची खास झलक

४ ऑगस्ट २००२ रोजी झारखंडमधील रांची येथे जन्मलेल्या अनुष्काने ‘बालवीर’, ‘झांसी की राणी’ यांसारख्या मालिकांमधून प्रेक्षकांचे मन जिंकले आहे. ती अभिनेत्री असण्याबरोबरच सोशल मीडियावरही प्रभावशाली आहे. आज वाढदिवसाच्या दिवशी तिने ब्लॅक शॉर्ट ड्रेस परिधान करत स्टायलिश फोटोशूट केलं असून, त्या फोटोमध्ये ती रेड लिपस्टिक, ओपन हेअरसह कमालीची सुंदर दिसतेय.

इंस्टाग्राम पोस्टमधून व्यक्त केल्या भावना

२०२० मध्ये “मोस्ट स्टाइलिश यंग एक्ट्रेस” पुरस्काराने गौरवण्यात आलेल्या अनुष्काने आपल्या पोस्टमध्ये कोणताही मजकूर न लिहिता, इमोजींच्या माध्यमातून भावना व्यक्त केल्या आहेत. फायर, केक, हार्ट आणि इतर अनेक इमोजींमधून तिच्या उत्साहाचं दर्शन होतंय.

वाढदिवसाचा केक, डॉगी आणि फुलांचा अंदाज

फोटोंमध्ये अनुष्का हिरव्या रंगाच्या केकसोबत पोज देताना, फुलांच्या बुकेसोबत आणि तिच्या लाडक्या डॉगीसोबत मस्ती करताना दिसते. याशिवाय तिने आपल्या आई-वडिलांसोबतही गोड क्षण कॅमेरात बंदिस्त केले आहेत.

चाहत्यांकडून शुभेच्छांचा वर्षाव

अनुष्काच्या या सुंदर फोटोवर चाहत्यांनी भरभरून प्रेम व्यक्त केलं आहे. “हॅपी बर्थडे अनु”, “सुंदर लुक”, “वाढदिवसाच्या हार्दिक शुभेच्छा” अशा अनेक प्रतिक्रिया तिच्या पोस्टवर येत आहेत.

करिअर आणि कॅन्स फेस्टिव्हलमधील सहभाग

अनुष्काने आपल्या करिअरची सुरुवात २००९ मध्ये “यहाँ मैं घर-घर खेली” या मालिकेपासून केली होती. तिला खरी ओळख मिळाली ‘बालवीर’मधील मीरा या भूमिकेमुळे. याशिवाय ‘देवों के देव… महादेव’, ‘झांसी की राणी’, तसेच ‘खतरों के खिलाड़ी सीजन ११’मध्येही ती झळकली आहे. यंदा तिने कॅन्स फिल्म फेस्टिव्हलमध्ये सहभाग घेत स्टायलिश लुकने सर्वांचं लक्ष वेधलं.

अनुष्का सेन सध्या इंस्टाग्रामवर ३९.६ मिलियन फॉलोअर्ससह मोठी सोशल मीडिया स्टार आहे. तिचा यूट्यूब चॅनलसुद्धा आहे, जिथे ती व्लॉग्सद्वारे तिचं वैयक्तिक आयुष्य चाहत्यांशी शेअर करते.