BJP news : भाजपला आणखी एक धक्का; काँग्रेसने बडा नेता फोडला
BJP news : केरळच्या राजकारणात भारतीय जनता पक्षाला सलग दुसऱ्या दिवशी मोठा धक्का बसला आहे.

BJP news : केरळच्या राजकारणात भाजपला सलग दुसऱ्या दिवशी धक्का बसला आहे. भाजपच्या राष्ट्रीय कार्यकारिणीच्या सदस्या पद्मजा वेणुगोपाल यांनी पक्षाचा राजीनामा दिल्यानंतर आता केरळ भाजप अल्पसंख्याक मोर्चाच्या उपाध्यक्षा पद्मिनी थॉमस यांनीही पक्ष सोडण्याची घोषणा केली आहे. भाजपने दिलेली आश्वासने पूर्ण केली नसल्याचा आरोप करत त्यांनी काँग्रेसमध्ये परतण्याचा निर्णय जाहीर केला आहे. (BJP news)
भाजपच्या आश्वासनांवर पद्मिनी थॉमस यांची नाराजी
पद्मिनी थॉमस यांनी प्रदेशाध्यक्ष राजीव चंद्रशेखर यांच्याकडे राजीनामा सादर करणार असल्याचे सांगितले आहे. भाजपमध्ये प्रवेश करताना राजकीय आणि क्रीडा क्षेत्रात अधिक सक्रियपणे काम करण्याची संधी मिळेल, अशी अपेक्षा होती. मात्र, पक्षात अपेक्षेप्रमाणे संधी मिळाली नसल्याचे त्यांनी म्हटले आहे. (BJP news)
आमदारकीचे तिकीट किंवा क्रीडा क्षेत्रात महत्त्वाचे पद देण्याचे आश्वासन देण्यात आले होते. मात्र, त्याबाबत कोणताही ठोस निर्णय झाला नसल्याचा दावाही त्यांनी केला आहे. (BJP news)
दोन वर्षांपूर्वी काँग्रेस सोडून भाजपमध्ये प्रवेश
पद्मिनी थॉमस या अर्जुन पुरस्कारप्राप्त माजी खेळाडू आहेत. सुमारे दोन वर्षांपूर्वी त्यांनी काँग्रेसमधून भाजपमध्ये प्रवेश केला होता. भाजपमध्ये आल्यानंतर क्रीडा क्षेत्रासह राजकारणातही अधिक सक्रिय भूमिका बजावण्याची त्यांची इच्छा होती. (BJP news)
काही दिवसांपूर्वी झालेल्या स्थानिक स्वराज्य संस्थांच्या निवडणुकीत त्यांनी भाजपच्या तिकिटावर निवडणूक लढवली होती. मात्र, या निवडणुकीत त्यांना पराभवाचा सामना करावा लागला. (BJP news)
‘काँग्रेसच्या कुटुंबात पुन्हा परतणार’
काँग्रेसमध्ये घरवापसी करण्याचा निर्णय स्पष्ट करताना पद्मिनी थॉमस यांनी आपण काँग्रेसच्या कुटुंबातील असल्याचे म्हटले आहे. काँग्रेसमध्ये परतून पक्षासाठी काम करण्याची इच्छा असल्याचे त्यांनी सांगितले. विशेष म्हणजे, काँग्रेसमध्ये प्रवेश करण्यासाठी आपण कोणतीही अट ठेवलेली नसल्याचेही त्यांनी स्पष्ट केले. (BJP news)
पद्मजा वेणुगोपाल यांच्या भाजप सोडण्याच्या निर्णयाशी आपल्या निर्णयाचा काहीही संबंध नसल्याचे थॉमस यांनी सांगितले. आपण मागील वर्षभरापासून पक्षापासून दूर असल्याचाही त्यांनी उल्लेख केला. (BJP news)
पद्मजा वेणुगोपाल यांच्या राजीनाम्यानंतर दुसरा धक्का
दरम्यान, केरळचे माजी मुख्यमंत्री के. करुणाकरन यांच्या कन्या पद्मजा वेणुगोपाल यांनीही भाजपचा राजीनामा दिला आहे. भाजपमध्ये प्रवेश करणे ही आपली वैयक्तिक चूक होती, अशी भूमिका त्यांनी मांडली होती. त्यांच्या राजीनाम्यानंतर दुसऱ्याच दिवशी पद्मिनी थॉमस यांनीही पक्ष सोडण्याची घोषणा केल्याने केरळ भाजपमधील घडामोडींना वेग आला आहे. (BJP news)
आता पद्मिनी थॉमस यांची काँग्रेसमध्ये घरवापसी कधी होते आणि या राजकीय घडामोडींचा केरळमधील भाजपच्या संघटनात्मक स्थितीवर काय परिणाम होतो, याकडे राजकीय वर्तुळाचे लक्ष लागले आहे. (BJP news)





