Anna Konidela | Pawan Kalyan Wife : आंध्र प्रदेशचे उपमुख्यमंत्री पवन कल्याण यांच्या पत्नी ‘अन्ना कोनिडेला’ यांनी रविवारी तिरुमला मंदिरात आपले केस अर्पण केले. सिंगापूरमधील एका शाळेत अलिकडेच झालेल्या आगीच्या घटनेनंतर त्यांनी आपल्या मुलाच्या सुरक्षिततेसाठी ही इच्छा व्यक्त केली होती.

या जोडप्याचा मुलगा ‘मार्क शंकर’ नुकताच सिंगापूरमध्ये ‘उन्हाळी शिबिरात’ सहभागी होण्यासाठी गेला होता आणि या काळात तो आगीच्या घटनेतून थोडक्यात बचावला. ही घटना ८ एप्रिल रोजी घडली, ज्यामध्ये शंकरचे हात आणि पाय भाजले गेले.

जनसेना पक्षाने जारी केलेल्या प्रेस रिलीजमध्ये म्हटले आहे की, ‘परंपरा लक्षात ठेवून अन्ना कोनिडेला यांनी पद्मावती कल्याण कट्ट्यावर आपले केस अर्पण केले आणि विधींमध्ये भाग घेतला.

यापूर्वी, जनसेना पक्षाच्या प्रमुखांनी संकटकाळात मिळालेल्या मोठ्या पाठिंब्याचे कौतुक केले होते. पवन कल्याण यांनी ‘एक्स’ वरील पोस्टमध्ये म्हटले होते की, ‘सिंगापूरमधील दुर्दैवी घटनेनंतर माझा मुलगा शंकर स्थिर आहे आणि त्याची प्रकृती सुधारत आहे. या संकटाच्या वेळी प्रार्थना आणि पाठिंब्याबद्दल सर्वांचे मनापासून आभार मानत आहे.” या आशयाचे ट्विट केले होते.

తిరుమలలో డిక్లరేషన్ పై సంతకం చేసిన అనంతరం తలనీలాలు సమర్పించిన @PawanKalyan సతీమణి శ్రీమతి అనా కొణిదల.#AnnaKonidela #Tirumala #AnnaLeginova pic.twitter.com/Qp734cYOY8

— C L N Raju (@clnraju) April 13, 2025

यापूर्वी, पवन कल्याण यांनी पंतप्रधान नरेंद्र मोदी, आंध्र प्रदेशचे मुख्यमंत्री एन चंद्राबाबू नायडू आणि इतरांनी संकटकाळात दाखवलेल्या काळजी आणि प्रोत्साहनाबद्दल त्यांचे आभार मानले होते.

సుప్రభాత సేవలో శ్రీవారిని దర్శించుకున్న పవన్ కళ్యాణ్ సతీమణి అన్నా లెజినోవా #pawankalyan #AnnaLeginova #Tirumala #TTD pic.twitter.com/aiDe0unDXe

— C L N Raju (@clnraju) April 14, 2025

सिंगापूरात घडली होती दुर्घटना

उपमुख्यमंत्री पवन कल्याण आणि अन्ना कोनिडेला यांचा मुलगा मार्क शंकर अलीकडेच सिंगापूरमध्ये एका समर कॅम्पमध्ये सहभागी होण्यासाठी गेला होता. ज्याठिकाणी ८ एप्रिलला आग लागली होती.

या घटनेत मार्क शंकर थोडक्यात बचावला होता परंतु आगीत त्याचे हात-पाय भाजले होते. आता तो पूर्णपणे ठीक आहे. मुलावर आलेले संकट पाहून आई अन्ना कोनिडेला यांनी त्याच्या सुरक्षेसाठी तिरुमला मंदिरात नवस केला होता. जो त्यांनी रविवारी पूर्ण केला.