Amol Mitkari । राज्यात काही महिन्यामध्ये विधानसभेची निवडणूक जाहीर होणार आहे. त्या अनुषंगाने राजकीय पक्ष कामाला लागले आहेत. महायुती आणि महाविकास आघाडीच्या नेत्यांमध्ये बैठकांचा धडाका सुरु आहेत. मात्र असे असताना महायुतीच्या नेत्यांमध्ये शाब्दिक चकमक होताना पाहायला मिळत आहे. आता विधिमंडळाचे पावसाळी अधिवेशन सुरु आहे. त्यामुळे सर्वांचं लक्ष या अधिवेशनाकडे लागलेलंय. हे अधिवेशन येणाऱ्या निवडणुकीच्या पार्श्वभूमीवर महत्वाचं मानलं जातंय.

महायुतीचा धर्म पाळण्याचा ठेका फक्त आम्हीच घेतलाय का? Amol Mitkari ।

पुणे जिल्ह्यातील शिरूरमध्ये एका बैठकीत भाजपाच्या एका कार्यकर्त्याने थेट उपमुख्यमंत्री अजित पवार यांच्यावर टीका करत त्यांना महायुतीमधून बाहेर काढण्याची मागणी केली. त्यामुळे राजकीय वर्तुळात एकच गोंधळ निर्माण झाला. यानंतर राष्ट्रवादी अजित पवार गटाचे नेते, आमदार अमोल मिटकरी यांनी थेट भाजपा आणि शिवसेना शिंदे गटाच्या नेत्यांना इशारा दिला. ते म्हणाले, “पुण्यात भाजपाचा कोणीतरी एक गल्लीतील कार्यकर्ता अजित पवारांवर बोलला. मग आम्ही हे शांततेने ऐकायचं का?, महायुतीचा धर्म पाळण्याचा ठेका फक्त राष्ट्रवादीने घेतलाय का?”, असं विधान अमोल मिटकरी यांनी केलं.

त्यापेक्षा आपलीही औकात पाहिली पाहिजे 

“मी याआधी सांगितलं होतं की, महायुतीमधील तिन्ही पक्षांनी समन्वय साधणं महत्वाचं आहे. आम्ही ज्यावेळी टीका करतो, त्यावेळी अनेकांना वाईट वाटत असेल, तर त्यांनीही थोडसं आपल्या जिभेला आवर घातला पाहिजे. दुसऱ्यांची औकात काढण्यापेक्षा आपलीही औकात पाहीली पाहिजे त्यानंतर बोललं पाहिजे. आमच्या पक्षाकडून आम्हाला नोटीस प्राप्त झाली, असं कळतं आहे. अद्याप मला मिळाली नाही. मात्र, राष्ट्रवादीलाच राष्ट्रवादीने नोटीस द्यावी, त्यापेक्षा मुख्यमंत्री एकनाथ शिंदे यांनी त्यांच्या प्रवक्त्यांना आणि भारतीय जनता पार्टीने त्यांच्या प्रवक्त्यांना नोटीस दिली पाहिजे”, असं अमोल मिटकरी म्हणाले.

मी माझे संस्कार सोडले नाहीत  Amol Mitkari ।

मिटकरी पुढे म्हणाले, “आमच्या पक्षाला वाटतं की महायुती टिकली पाहिजे. महायुतीमध्ये आम्ही तिन्ही पक्षांनी एकत्र असलं पाहिजे. पण त्यांच्या पक्षाला वाटत नसेल म्हणून ते आवरत नाहीत. आमच्या पक्षाला वाटतं की महायुती टिकली पाहिजे. माझ्या पक्षाने माझ्यावर जबरदस्ती केधीही केली नाही. समज नक्की दिली. मी देखील सांभाळून बोलतो. अन्यथा काहींनी माझी औकात काढल्यानंतर मला तोडीस तोड उत्तर देता येत होतं.  फक्त मी माझे संस्कार सोडले नसल्याचे अमोल मिटकरी यांनी यावेळी म्हटले.