Amit Shah Statement:  नीट पेपरफुटी आणि जंतर मंतर याठिकाणी विद्यार्थी आंदोलनादरम्यान झालेल्या लाठीचार्जसंदर्भात विरोधी पक्ष केंद्रीय गृहमंत्री अमित शाह यांच्याकडे उत्तरांची मागणी करत आहेत. अमित शाह यांनी आता, “सरकार या विषयावर चर्चा करण्यास तयार आहे.” असे म्हणत विरोधकांनाच आव्हान दिले आहे.

अमित शाह म्हणाले, “सरकार सर्व गोष्टींवर चर्चा करण्यास तयार आहे. विरोधी पक्षांनी संसदेचे कामकाज चालू द्यावे.” त्यांनी विरोधी पक्षांना चर्चेसाठी दुपारी २ वाजेपर्यंत अध्यक्षांना पत्र सादर करण्यास सांगितले. यानंतर, सरकार आज दुपारी ३ वाजल्यापासून रात्रीपर्यंत आणि उद्या दुपारी ३ वाजेपर्यंत चर्चेसाठी तयार आहे.

अमित शाह यांनी सांगितले की, ते स्वतः चर्चेत सहभागी होतील. विरोधी पक्ष संसदेचे कामकाज रोखत आहेत. अमित शाह यांनी स्पष्ट केले की, अधिवेशन सुरू झाल्यापासून ते नियमितपणे उपस्थित राहत आहेत.

अमित शाह म्हणाले की, सरकारकडे लपवण्यासारखे काहीही नाही आणि नीट पेपरफुटीवरून झालेल्या विद्यार्थी आंदोलनाशी संबंधित प्रत्येक प्रश्नाचे उत्तर देण्यास सरकार तयार आहे. विरोधी पक्षांनी संसदेचे कामकाज का रोखले, या प्रश्नाचे उत्तर देणार असल्याचेही त्यांनी सांगितले. चर्चा करायची की टाळायची, हे आता ठरवणे तुमच्यावर अवलंबून आहे, असे अमित शाह यांनी विरोधी पक्षांना सांगितले. Amit Shah Statement: 

केंद्रीय गृहमंत्री अमित शाह म्हणाले की, पंतप्रधान मोदींच्या नेतृत्वाखाली सरकार प्रत्येक विषयावर चर्चा करण्यास नेहमीच तयार आहे. त्यांनी विरोधी पक्षांना संसदेचे कामकाज चालू ठेवण्याचे आवाहन केले.

गृहमंत्री म्हणाले की, संसदेत चर्चेसाठी निश्चित नियम आणि कार्यपद्धती आहेत. इतक्या गंभीर विषयावर केवळ विधान करून चर्चा करता येत नाही. संसद कोणत्याही विषयावर सविस्तर चर्चा करते आणि सरकार प्रत्येक प्रश्नाचे उत्तर देण्यास तयार आहे. अध्यक्षांनी परवानगी दिल्यास, आवश्यक असल्यास प्रश्नोत्तराचा तास तहकूब करण्यास सरकार तयार आहे, असे अमित शाह म्हणाले.

राहुल गांधींच सडेतोड उत्तर Amit Shah Statement: 

विरोधी पक्षनेते राहुल गांधी यांनी केंद्रीय गृहमंत्री अमित शाह यांच्या वक्तव्यावर पलटवार करत म्हटले आहे की, त्यांना उपदेश ऐकायचा नाही. ते म्हणाले, “जर अमित शाह यांनी मुलांवर पेलेट गनने गोळीबार करण्याचा आदेश दिला असेल, तर त्यांनी राजीनामा द्यावा.”

राहुल गांधी यांनी केंद्रीय गृहमंत्री अमित शाह यांच्यावर जोरदार हल्ला चढवला आहे. ते म्हणाले की, देशातील तरुण पिढीला अमित शाह यांच्या कोणत्याही कल्पना किंवा भाषणे ऐकण्यात रस नाही. विद्यार्थ्यांवर गोळीबार करण्याचा आदेश कोणी दिला, असा थेट प्रश्न राहुल गांधी यांनी विचारला. एका विद्यार्थ्याला आंधळे केले आणि दुसऱ्याला गोळी मारली, हे कोणाच्या आदेशाने घडले, असाही त्यांनी प्रश्न विचारला. खिळे असलेल्या काठ्यांनी विद्यार्थ्यांना मारहाण करण्याचा आदेश कोणी दिला, असाही प्रश्न त्यांनी विचारला.