Harshwardhan Sapkal : कॉग्रेस पक्ष जनतेशी संबंधित मुद्द्यांवर सरकारविरोधातील आंदोलने तीव्र करणार आहे आणि त्याच वेळी तळागाळात संघटनेचा विस्तार करणार असल्याचे महाराष्ट्र काँग्रेसचे प्रदेशाध्यक्ष हर्षवर्धन सपकाळ (Harshwardhan Sapkal) यांनी मंगळवारी सांगितले. राज्यातील काँग्रेसच्या वरिष्ठ नेत्यांच्या तीन तासांच्या आढावा बैठकीनंतर ते बोलत होते.

पत्रकारांशी बोलताना सपकाळ (Harshwardhan Sapkal) म्हणाल, तालुका स्तरावर सुमारे ५,००० नियुक्त्या केल्या जातील, तसेच वरिष्ठ नेते आणि महाराष्ट्र प्रदेश काँग्रेस समितीच्या कार्यकारिणीतील सदस्यांची प्रभारी म्हणून नियुक्ती केली जाईल. जनतेच्या प्रश्नांवर आंदोलने तीव्र करणे आणि संघटनेचा विस्तार करणे यावर मुख्य भर असणार आहे.

पक्षाच्या संघटनात्मक आणि राजकीय कामाचा आढावा घेण्यासाठी राज्याचे नेतृत्व दर महिन्याला बैठक घेईल. प्रत्येक मतदान केंद्रावर काँग्रेसचा कार्यकर्ता उपस्थित असावा यासाठी पक्षाने केलेल्या बूथ-स्तरीय मॅपिंग मोहिमेअंतर्गत सुमारे ६५,००० बूथ लेव्हल एजंट-२ कार्यकर्त्यांची नियुक्ती करण्यात आली आहे, असे त्यांनी म्हटले.

तसेच, सपकाळ यांनी भाजपच्या नेतृत्वाखालील महायुती सरकारवर सर्वच आघाड्यांवर अपयशी ठरल्याचा आरोप केला. भ्रष्टाचार, महागाई आणि बेरोजगारी यांसारख्या समस्या अधिक गंभीर झाल्याचे नमूद केले. काँग्रेस भाजपचे फोडाफोडीचे राजकारण हाणून पाडेल आणि जनतेशी संबंधित मुद्द्यांवर त्यांना जाब विचारेल.

विरोधी पक्षनेते राहुल गांधी हे पळून जाणारे नेते आहेत अशी टीका करणाऱ्या भाजपचे विद्यमान खासदार अशोक चव्हाण यांच्यावर निशाणा साधत सपकाळ म्हणाले, राहुल गांधी या लढ्याला सामोरे जातील, ते पळून जाणार नाहीत. वास्तवाला सामोरे जाण्याऐवजी चव्हाण स्वतःच काँग्रेस सोडून पळून गेले होते.

गांधींनी भारत जोडो यात्रा काढली आणि घाबरू नका हा संदेश दिला, असे ते म्हणाले. तसेच झारखंडमध्ये भरती परीक्षांमधील अनियमिततेविरुद्ध आंदोलन करणाऱ्या विद्यार्थ्यांच्या पाठीशीही सपकाळ (Harshwardhan Sapkal) ठामपणे उभे राहिले.