Amit Shah on Rahul Gandhi: केंद्रीय गृहमंत्री अमित शाह यांनी काँग्रेस नेते राहुल गांधी यांच्यावर हल्लाबोल केला आहे. त्यांनी राहुल गांधी यांच्यावर टीका करताना, “पुढील ३० वर्षांत तुमची सत्ता येणार नाही.” असे म्हटले आहे.

पुढे अमित शाह यांनी, “मला माहित आहे की तुम्ही माझे ऐकू शकत नाही, तुम्ही परदेशात कुठेतरी बसला आहात. तुम्ही तिथे का बसला आहात, हे तुमचे वैयक्तिक आयुष्य आहे.” तसेच  “एकदा तुम्ही दिल्लीत उतरलात की… माझे ऐका, पुढील ३० वर्षांत तुमची सत्ता येणार नाही.” असे म्हटले आहे. 

अमित शाह यांनी दिल्ली जल बोर्डाच्या (डीजेबी) ८,९४१ कोटी रुपयांच्या ४३ प्रकल्पांचे उद्घाटन आणि पायाभरणी केली. त्यावेळी बोलताना शाह यांनी, “आंदोलने आणि निदर्शनांनी काहीही साध्य होत नाही. तुम्ही ज्या मतदारसंघातून निवडून आला आहात, तिथल्या लोकांसाठी काम करा. पंजाबच्या जनतेने ठरवले आहे की, यावेळी पंजाबमध्ये एनडीएचे सरकार स्थापन होईल.” असे म्हटले आहे. Amit Shah on Rahul Gandhi:

 

ते म्हणाले की, भारतीय जनता पक्षाच्या बूथ कार्यकर्त्यांपासून ते पंतप्रधान मोदींपर्यंत, लाखो कार्यकर्ते लोकांमध्ये राहतात, त्यांचे दुःख आणि वेदना समजून घेतात आणि त्यांच्या समस्या सोडवण्यासाठी कठोर परिश्रम करतात.

“यमुनेचे उदाहरण घ्या. तुमचा पक्ष ३० वर्षे सत्तेत होता, पण तुम्ही यमुनेसाठी काहीही केले नाही. भाजपला, नरेंद्र मोदींच्या नेतृत्वाखाली, यमुनोत्री ते संगमपर्यंत संपूर्ण यमुना स्वच्छ करण्याचा मान मिळेल.”असा विश्वास देखील त्यांनी यावेळी व्यक्त केला.

अमित शाह म्हणाले की, “राहुल गांधी घुसखोरांना संरक्षण देण्यासाठी मतचोरीचा आरोप करतात. ते म्हणाले की, तुम्ही बंगालमध्ये ५४ वर्षे, अरुणाचल प्रदेशात १२ वर्षे आणि दिल्लीत १८ वर्षे निवडणूक जिंकलेली नाही.”

अमित शाह म्हणाले, “यापूर्वी ‘आप’ आणि काँग्रेस सबबी सांगत असत.” आमच्याकडे अरविंद केजरीवाल यांच्या प्रश्नांची उत्तरे आहेत, पण आम्ही पंजाबमधील तुमचे सरकार पाडल्यावरच ती देऊ.” Amit Shah on Rahul Gandhi: