BCCI Executive Committee : भारतीय क्रिकेट नियामक मंडळाची (बीसीसीआय) वार्षिक सर्वसाधारण सभा (एजीएम) 28 सप्टेंबर 2025 रोजी मुंबईत आयोजित होणार आहे. या सभेदरम्यान अध्यक्ष, उपाध्यक्ष, सचिव, संयुक्त सचिव, कोषाध्यक्ष आणि आयपीएल गव्हर्निंग काऊन्सिलच्या अध्यक्षपदासाठी निवडणुका होणार आहेत. विशेष म्हणजे, निवडणुकीपूर्वीच या सर्व पदांसाठी उमेदवारांची नावे निश्चित झाली आहेत.

निवडणुकीपूर्वीच उमेदवार निश्चित –

सूत्रांनुसार, बीसीसीआयच्या निवडणुकीसाठी अनेक उमेदवारांनी नामांकन दाखल केले होते. मात्र, निवडणुकीपूर्वीच मिथुन मन्हास यांची अध्यक्षपदी निवड निश्चित झाली आहे. 20 सप्टेंबर रोजी देशाचे गृहमंत्री अमित शाह यांच्या निवासस्थानी झालेल्या महत्त्वपूर्ण बैठकीत बीसीसीआयच्या निवडणुकीची रणनीती आणि उमेदवारांची नावे निश्चित करण्यात आली. या बैठकीत मिथुन मन्हास यांना बीसीसीआयच्या अध्यक्षपदासाठी अंतिम मंजुरी देण्यात आली.

नवीन कार्यकारिणीची रचना –

बीसीसीआयच्या कार्यकारिणी निवडणुकीत खालील पदांसाठी मतदान होणार आहे:

• अध्यक्ष : मिथुन मन्हास
• उपाध्यक्ष : राजीव शुक्ला
• सचिव : देवजीत सैकिया
• संयुक्त सचिव : प्रभतेज भाटिया
• कोषाध्यक्ष : रघुराम भट्ट
• एपेक्स काऊन्सिल: जयदेव शाह
• आयपीएल गव्हर्निंग काऊन्सिल अध्यक्ष: अरुण सिंह धूमल

हेही वाचा – Smriti Mandhana : ‘नॅशनल क्रश’ स्मृती मंधाना सुसाट! एकाच सामन्यात विराटच्या विक्रमासह मोडले ६ मोठे रेकॉर्ड

पदांमध्ये बदल आणि नियुक्त्या –

प्रभतेज भाटिया, जे यापूर्वी कोषाध्यक्ष होते, यांना आता संयुक्त सचिवपदाची जबाबदारी सोपवण्यात येणार आहे. रघुराम भट्ट यांची कोषाध्यक्षपदी नियुक्ती होईल. तसेच, जयदेव शाह यांना एपेक्स काऊन्सिलमध्ये समाविष्ट केले जाईल आणि 28 सप्टेंबरनंतर त्यांना संयुक्त सचिवपद देण्यात येणार आहे. यामुळे ते देवजीत सैकिया यांचे डेप्युटी म्हणून काम पाहतील.

हेही वाचा – IND vs PAK : ‘मर्द आहे तर…’, शाहिद आफ्रिदीचे इरफान पठानला चॅलेंज, भारत-पाक वादावर अश्विनने दिले चोख प्रत्युत्तर, पाहा VIDEO

पुढील दिशा –

बीसीसीआयच्या या सभेत निवडणुकीसह इतर महत्त्वपूर्ण निर्णयांवर चर्चा होण्याची शक्यता आहे. नवीन कार्यकारिणीच्या नेतृत्वाखाली बीसीसीआय भारतीय क्रिकेटला पुढील स्तरावर नेण्यासाठी कटिबद्ध आहे. या निवडणुकीकडे क्रिकेट विश्वाचे लक्ष लागले आहे.