पुणे – आपत्कालीन परिस्थितीमध्ये जर वेळेवर उपचार मिळाला तर रुग्णाचे प्राण वाचू शकता. अशा परिस्थितीत रुग्णास वेळेवर रुग्णवाहिकेची मदत मिळाली तर ती रुग्ण आणि रुग्णालयामधील जीवरक्षक दुवा असते असे मत आर एम डी फाऊंडेशनच्या उपाध्यक्षा शोभा रसिकलाल धारीवाल (Shobha Dhariwal) यांनी व्यक्त केले.

आर एम डी फाऊंडेशनच्या निधीतून श्री अष्टविनायक मित्रमंडळ विश्रांतवाडी या गणपती मंडळास रुग्णवाहिका देण्यात आली. रुग्णवाहिका लोकार्पण सोहळ्याच्या वेळी शोभा धारीवाल बोलत होत्या . आर एम डी फाऊंडेशनच्या माध्यमातून गरजू व हुशार विद्यार्थ्यांना शिष्यवृत्ती, पर्यावरण व आरोग्य सेवेबाबत मागील २० वर्षांपासून कार्यरत असल्याचे तसेच शाकाहार हा ऊत्तम आहार याबाबत मी नेहमीच विविध कार्यक्रमातून प्रसार व प्रचार करते, शाकाहारी होण्याची लाज नसावी तर अभिमान असावा असे जाहीर आवाहनही यावेळी त्यांनी उपस्थितांना केले.(Pune News)

रसिकशेठ धारीवाल (Rasiksheth dhariwal) यांच्या देणगीने संपूर्ण देशभर अनेक समाजोपयोगी प्रकल्प राबविण्यात आले तीच प्रथा यापुढे शोभाताई चालवित आहे असे मत बापू पठारे (Bapu pathare) यांनी व्यक्त केले. रुग्णवाहिकेमुळे विश्रांतवाडी, येरवडा व आजूबाजूच्या परिसरातील गरजू रुग्णास नक्कीच मदत मिळेल अशी भावना यावेळी ॲड.भगवान जाधव यांनी व्यक्त केली.

श्री अष्टविनायक मित्र मंडळाच्या पदाधिकाऱ्यांनी रुग्णवाहिकेची प्रतिकृती, शाल व श्रीफळ देऊन शोभाताई धारीवाल यांचा सत्कार केला. यावेळी व्यासपीठावर शिरीषजी मोहिते,अनिल टिंगरे, मंगला मंत्री, अर्जुन भैय्या जगताप, विशाल टिंगरे, डॉ रसिक शेटीया, दिलीप पवार, कर्नल तृप्ती देशपांडे, श्री दत्तात्रय भापकर वरिष्ठ पोलीस निरीक्षक विश्रांतवाडी, सुहास बोरा, ॲड.संकेत बोरा, दिलीपजी पाटील, अष्टविनायक मित्र मंडळाचे राहुल जाधव, अभिजीत कदम. व पदाधिकारी तसेच परिसरातील नागरिक मोठ्या प्रमाणावर उपस्थित होते .