Ambati Rayudu’s open support for MS Dhoni and CSK during IPL 2025 commentary : अंबाती रायुडू सध्या आयपीएल २०२५ च्या कॉमेंट्री दरम्यान केलेल्या विधानांमुळे चर्चेत आहे. सामन्यादरम्यान तो चेन्नई सुपर किंग्ज (CSK) आणि एमएस धोनीला उघडपणे पाठिंबा देताना दिसतो, ज्यामुळे त्याला सोशल मीडियावर ट्रोल केले जात आहे. अलिकडेच, कॉमेंट्री बॉक्समध्ये त्याचा नवजोत सिंग सिद्धूशी जोरदार वाद झाला, जिथे दोघांनीही एकमेकांना ‘गिरगिट’ म्हटले. व्हिडिओ व्हायरल झाल्यानंतर चाहत्यांनी रायुडूवर निशाणा साधला. आता रायुडूने पुन्हा एकदा धोनीचे कौतुक करून सर्वांना उत्तर दिले आहे. त्याने उघडपणे स्वतःला थाला (धोनी) चा चाहता घोषित केले, त्यानंतर त्याला कॉमेंट्री पॅनलमधून काढून टाकण्याची मागणी केली जात आहे.

रायुडू स्वत:ला ‘थाला’चा चाहता म्हणवतो –

अंबाती रायुडूचे चेन्नई सुपर किंग्ज आणि धोनीवरील प्रेम कोणापासूनही लपलेले नाही. आता त्याने हे उघडपणे स्वीकारले आहे. रायुडूने सोशल मीडियावर एक पोस्ट शेअर केली आणि लिहिले की, “मी थालाचा चाहता होतो, मी थालाचा चाहता आहे, मी नेहमीच थालाचा चाहता राहीन. कोणी काहीही बोलो किंवा विचारो, त्यामुळे एक पैशाचाही फरक पडणार नाही. म्हणून कृपया पेड पीआरवर पैसे खर्च करणे थांबवा आणि ते दान करा. याचा फायदा अनेक लोकांना होऊ शकतो.”

I was a Thala’s fan
I am a Thala’s fan
I will always be a Thala’s fan.

No matter what anyone thinks or does. It will not make a one percent difference.

So please stop spending money on paid pr and donate that to charity. Lot of underprivileged people can benefit.

— ATR (@RayuduAmbati) April 10, 2025

रायुडूला कॉमेंट्री पॅनलमधून काढून टाकण्याची मागणी –

Why does @StarSportsIndia keep biased commentators?
Commentators should be neutral who can analyse and interpret the game without any bias towards any player or team. We don't understand the game because we haven't played it at that level so we rely on commentary.

But if the…

— ꜱᴘɪᴅᴇʏツ (@Spidey_RCB) April 10, 2025

अंबाती रायुडूने सोशल मीडियावर उघडपणे सांगितले की, तो धोनीचा चाहता आहे. यानंतर लगेचच त्याला कॉमेंट्री पॅनलमधून काढून टाकण्याची मागणी होऊ लागली आहे. चाहते म्हणतात की समालोचक तटस्थ असावा. त्याने कोणत्याही संघाबद्दल किंवा खेळाडूबद्दल पक्षपाती नसावे आणि खेळाचे योग्य विश्लेषण करावे. प्रेक्षकांना हा खेळ तितकासा समजत नाही. म्हणूनच ते फक्त कॉमेंट्रीवर अवलंबून आहेत. जर रायुडू सर्वांसमोर कबूल करत असेल की तो धोनी आणि चेन्नई सुपर किंग्जचा चाहता आहे, तर त्याला ताबडतोब कॉमेंट्री पॅनलमधून काढून टाकले पाहिजे.

हेही वाचा – Cricket in 2028 Olympics : १२८ वर्षांनंतर क्रिकेटचे ऑलिम्पिकमध्ये पुनरागमन! फक्त ‘या’ ६ संघांनाच होता येणार सहभागी

कॉमेंट्री बॉक्समध्ये सिद्धूशी घेतला पंगा –

चेन्नई सुपर किंग्ज आणि पंजाब किंग्ज यांच्यातील सामन्यादरम्यान, नवज्योत सिंग सिद्धू आणि अंबाती रायुडू यांच्यात कॉमेंट्री बॉक्समध्ये वाद झाला. दोघांचा एक व्हिडिओ सोशल मीडियावर व्हायरल झाला आहे, ज्यामध्ये ते एकमेकांना ‘रंग बदलणारा सरडा’ म्हणत आहेत. खरं तर, सामन्यादरम्यान, रायुडूने सिद्धूवर संघ बदलण्याचा आरोप केला होता आणि त्याला ‘सरडा’ म्हटले होते. यानंतर सिद्धूने रायुडूला चोख उत्तर दिले आणि म्हणाला, “जर या जगात सरड्यासारखा  कोणी असेल तर तो तुमचा आदर्श देव आहे.”