पिरंगुट, (वार्ताहर) – नांदे (ता. मुळशी) येथे वीज वितरण कंपनीच्या कर्मचार्यांना सुरक्षा साधनांचे वाटप करण्यात आले. खासदार सुप्रिया सुळे यांच्या वाढदिवसानिमित्त नांदेच्या सरपंच व पुणे जिल्हा राष्ट्रवादी युवती काँग्रेस शरद पवार पक्षाच्या कार्याध्यक्षा निकिता रानवडे यांच्या वतीने नांदे, चांदे, मुलखेड व लवळे विभागातील महावितरण कर्मचार्यांना या साहित्याचे वितरण करण्यात आले. युवा नेते शेखर रानवडे यांनी त्यांच्या वाढदिवसाचा होणारा अनावश्यक खर्च टाळून या उपक्रमात सहभाग घेतला. येथील वीज कर्मचार्यांना सुरक्षा बूट, रेनकोट, मोजे व अन्य सुरक्षा साधने रानवडे कुटुंबियाच्या वतीने स्वखर्चातून देण्यात आले. यावेळी सरपंच निकिता रानवडे, अरुण रानवडे, शेखर रानवडे, विशाल धनवट, जयेश शितोळे आदी उपस्थित होते.
