Alandi Traffic Update – संतश्रेष्ठ ज्ञानेश्वर महाराज पालखी सोहळा 2026 च्या पार्श्वभूमीवर पिंपरी-चिंचवड पोलीस आयुक्तालयाने 4 ते 9 जुलैदरम्यान वाहतुकीत व्यापक बदल जाहीर केले आहेत. पालखी सोहळा सुरक्षित व सुरळीत पार पडावा तसेच नागरिकांची गैरसोय टाळण्यासाठी जड वाहनांवरील निर्बंध, प्रवेशबंदी, एकेरी वाहतूक, नो-पार्किंग झोन आणि पर्यायी मार्गांची व्यवस्था करण्यात आली आहे.

4 ते 8 जुलैदरम्यान आळंदी शहराच्या मध्यवर्ती भागात अत्यावश्यक सेवा आणि दिंडीतील वाहनांव्यतिरिक्त इतर सर्व वाहनांना प्रवेशबंदी राहणार आहे. चर्‍होली फाटा, डुडुळगाव जकात नाका, केळगाव चौक, बापदेव चौक, इंद्रायणी हॉस्पिटल, विश्रांतवड, धानोरी फाटा, पीसीएस चौक आणि देहू फाटा येथून आळंदीकडे जाणार्‍या वाहनांवर निर्बंध असतील.

हवालदार वस्ती ते तळेकर पाटील चौक आणि देहू फाटा मार्गेही प्रवेश मर्यादित राहणार आहे. या कालावधीत हवालदार वस्ती, तळेकर पाटील चौक, आदित्य इंटरनॅशनल स्कूल, डुडुळगाव तसेच भारतमाता चौक, हवालदार वस्ती आणि मोशी परिसरातील काही मार्गांवर एकेरी वाहतूक व्यवस्था लागू करण्यात आली आहे.

9 जुलैला विशेष निर्बंध
9 जुलै रोजी पालखी पुणे शहराच्या हद्दीत प्रवेश करेपर्यंत विश्रांतवाडी, बोपखेल, मरकळ, चर्‍होली, मोशी चौक, भारतमाता चौक, हवालदार वस्ती, देहू फाटा, आळंदी फाटा, चिंबळी फाटा, वडगाव घेणंद, पांजरपोळ चौक, अंलकापूरम, भोसरी, मॅगझिन चौक, दिघी तसेच पालखी मार्गाला जोडणार्‍या सर्व रस्त्यांवर अत्यावश्यक सेवा आणि दिंडीतील वाहनांव्यतिरिक्त इतर सर्व वाहनांना प्रवेशबंदी राहणार आहे.

तुळापूरकडून येणार्‍या जड वाहनांना मरकळमार्गे आळंदीकडे येण्यास मनाई करण्यात आली असून त्यांच्यासाठी कोयाळी व शेलपिंपळगावमार्गे पर्यायी व्यवस्था करण्यात आली आहे. पालखी पुणे शहरात प्रवेश केल्यानंतर दिघी येथील श्री विठ्ठल-रुक्मिणी मंदिर ते बोपखेलमार्गे विश्रांतवाडीकडे जाणार्‍या वाहनांनाही बंदी राहणार असून या वाहनांनी ममता चौकमार्गे पर्यायी मार्गाचा वापर करावा, असे आवाहन करण्यात आले आहे.

नो-पार्किंग व वाहनतळांची व्यवस्था
देहू फाटा ते बोपखेल फाटा या पालखी मार्गाच्या दोन्ही बाजूंना तात्पुरत्या स्वरूपात नो-पार्किंग झोन घोषित करण्यात आला आहे. भाविक व वाहनधारकांसाठी तळेकर पाटील चौक, आदित्य इंटरनॅशनल स्कूल, ज्ञानविलास कॉलेज, मुंगसे पार्किंग, इंद्रायणी हॉस्पिटलसमोरील जागा, विश्रांतवड, नगरपरिषद पार्किंग, पॉलिबॉण्ड कंपनीसमोर, प्लुमेरिया मंगल कार्यालय, बैलगाडा घाट (चर्‍होली) तसेच मुक्ताई मंगल कार्यालयासमोर वाहनतळांची व्यवस्था करण्यात आली आहे.

पालखीचा मुक्काम व मार्ग
8 जुलै रोजी संतश्रेष्ठ ज्ञानेश्वर महाराजांची पालखी आळंदीहून प्रस्थान करून गांधीवाडा येथे मुक्काम करणार आहे. 9 जुलै रोजी गांधीवाडा येथून पुण्याकडे प्रस्थान होणार असून पालखीचा मार्ग आजोळघर, आळंदी नगरपरिषद चौक, योगीराज चौक, देहू फाटा, चर्‍होली फाटा, अंलकापूरम चौक, थोरल्या पादुका, मॅगझिन चौक, विठ्ठल-रुक्मिणी मंदिर, दिघी, बोपखेल फाटा मार्गे विश्रांतवाडी असा राहणार आहे.

चअवजड वाहनांना बंदी
याशिवाय 4 ते 8 जुलैदरम्यान चाकण-आळंदी, चिंबळी-आळंदी, शेलपिंपळगाव-वडगाव घेणंद-आळंदी, मरकळ-आळंदी, भारतमाता चौक-आळंदी तसेच विश्रांतवाडी-आळंदी या मार्गांवर जड व अवजड वाहनांना प्रवेशबंदी राहणार असून त्यांच्यासाठी भारतमाता चौक, पांजरपोळ चौक, अंलकापूरम, कोयाळी, मरकळ, चर्‍होली फाटा आदी पर्यायी मार्ग निश्चित करण्यात आले आहेत.