Akshaye khanna : २०२५ च्या सुरुवातीला विकी कौशल आणि रश्मिका मंदान्ना स्टारर ‘छावा’ हा चित्रपट प्रदर्शित झाला. या चित्रपटाने केवळ बॉक्स ऑफिसवरच नव्हे तर लोकांच्या हृदयावरही विशेष छाप सोडली. हा चित्रपट १४ फेब्रुवारी रोजी प्रदर्शित झाला असून या चित्रपटाची कथा छत्रपती संभाजी महाराजांवर आधारित होती, ज्यांची भूमिका विकी कौशलने साकारली होती. चित्रपटाच्या कथेपासून ते सर्वांच्या अभिनयापर्यंत आणि चित्रपटातील कलाकारांपर्यंत, प्रत्येक गोष्टीचे खूप कौतुक झाले. मात्र. यामध्ये सर्वात जास्त चर्चेत असलेला व्यक्ती होता अक्षय खन्ना ज्याने चित्रपटात औरंगजेबाची भूमिका केली होती. त्याचे रूप इतके अद्भुत होते की लोकांनी त्याला सुरुवातीला ओळखलेच नाही. आज (दि. २८ मार्च) याच अभिनेत्याचा वाढदिवस आहे. ‘छावा’ मध्ये औरंगजेबची भूमिका साकारणाऱ्या अक्षय खन्नाने अनेक बॉलिवूड चित्रपटांमध्ये काम केले आहे. यापैकी काही चित्रपटच ब्लॉकबस्टर ठरले आहेत. अक्षय खन्ना हा ‘विनोद खन्ना’ यांचा मुलगा आहे. जरी अभिनेत्याची कारकीर्द त्याच्या वडिलांसारखी विशेष नसली, तरी त्याच्या काही पात्रांमध्ये खूपच जबरदस्त भूमिका होत्या. १९९७ मध्ये अक्षयने ‘हिमालय पुत्र’ या सिनेमातून चित्रपटसृष्टीत पदार्पण केले. पण अक्षयचा पहिला चित्रपट बॉक्स ऑफिसवर फ्लॉप झाला. करिअरमध्ये ब्रेक घेतला : ‘हिमालय पुत्र’ हा चित्रपट अभिनेत्याचे वडील विनोद खन्ना यांच्या प्रॉडक्शन हाऊसने बनवला होता. अभिनेत्याला त्याच्या दुसऱ्या चित्रपट ‘बॉर्डर’ द्वारे लोकांमध्ये ओळख मिळाली. पण, अक्षयने त्याच्या कारकिर्दीत दोनदा ब्रेक घेतला, ज्यामुळे त्याच्या कारकिर्दीवर मोठा परिणाम झाला. अक्षयने त्याच्या २८ वर्षांच्या चित्रपट कारकिर्दीत ३५ हून अधिक चित्रपटांमध्ये काम केले आहे. या काळात त्याने ‘छावा’ या चित्रपटासह फक्त ३ ब्लॉकबस्टर चित्रपट दिले आहेत. जर आपण फ्लॉप चित्रपटांबद्दल बोललो तर, या अभिनेत्याने त्याच्या हिट चित्रपटांपेक्षा जास्त फ्लॉप चित्रपट दिले आहेत. फ्लॉप सिनेमांची यादी : मिळालेल्या माहितीनुसार, अक्षयने १७ फ्लॉप चित्रपट दिले आहेत. या अभिनेत्याचे नाव अनेक अद्भुत चित्रपटांशी देखील जोडले गेले आहे. सध्या, अभिनेत्याकडे असे अनेक चित्रपट आहेत ज्यांवर लोकांच्या नजरा खिळलेल्या आहेत. केस गळतीमुळे अक्षय खन्नाला त्याच्या चित्रपट कारकिर्दीत अनेक समस्यांना तोंड द्यावे लागले आहे. या अभिनेत्याने एका जुन्या मुलाखतीत सांगितले होते की, यामुळे त्याला चित्रपट मिळण्यात खूप अडचणी येत होत्या. पण अभिनेत्याच्या भूमिका प्रेक्षकांच्या मनावर छाप सोडून जातात हे नक्की.
