प्रभात वृत्तसेवा
अकलूज – श्रीपूर येथील कर्मयोगी सुधाकरपंत परिचारक पांडुरंग सहकारी साखर कारखाना येथे कर्मयोगी सुधाकरपंत परिचारक यांच्या पुर्णाकृती पुतळा अनावरण सोहळा मुख्यमंत्री देवेंद्र फडणवीस यांच्या प्रमुख उपस्थितीत झाला.यावेळी उपस्थित असलेल्या खासदार धैर्यशील मोहिते-पाटील यांनी फडणवीस यांना विविध मागण्यांचे निवेदन दिले. मोडनिंब येथे गतिशक्ती मल्टी मॉडेल कार्गो टर्मिनल विकसित करावे, मध्य रेल्वे सोलापूर विभागातील मोडनिंब स्थानक हे भौगोलिकदृष्ट्या महत्त्वाचे असून, तेथे ॠउढ उभारल्यास औद्योगिक विकासाला चालना मिळेल.

जीआयएस व जनरेटिव्ह एआय आधारित शेतकरी केंद्रित सिंचन व्यवस्थापन पायलट प्रकल्प उजनी धरण प्रकल्प क्षेत्रात राबवावे, या प्रणालीद्वारे पाण्याचा कार्यक्षम वापर, पिकानुसार सिंचन नियोजन व उत्पादनवाढ साध्य होईल. शेलगाव (वां) येथे केळी संशोधन केंद्र स्थापन करणे, केळी हे पीक भाऊसाहेब फुंडकर फळबाग योजनेत समाविष्ट करण्याची मागणी.शेतकर्‍यांना आर्थिक साहाय्य व संरक्षण मिळावे, तीर्थक्षेत्र देहू पंढरपूर दरम्यान नवीन मेमू रेल्वेगाडी सुरू करावे, प्रधानमंत्री कृषी सिंचन योजना अंतर्गत नीरा-देवघर प्रकल्पासाठी निधी मिळविण्यासाठी पाठपुरावा करावा, यासह विविध मागण्या खासदार मोहिते-पाटील यांनी केल्या.