Akash Anand :  अयोध्येतील प्रभू राम लल्लाचा प्राणप्रतिष्ठा कार्यक्रम हा भाजपचा कार्यक्रम असल्याचे देशातील बहुतांशी विरोधी पक्षाने कार्यक्रमापासून अंतर राखले. बसपच्या सुप्रीमो मायावती यांनीही या सोहळ्याला हजेरी लावली नाही किंवा कोणतीही प्रतिक्रिया दिली नाही. राम मंदिराबाबत बसपा सुप्रिमोचे मौन  बाळगले असताना आता त्यांचा पुतण्या आकाश आनंद यांनी या कार्यक्रमाविषयी आपली प्रतिक्रिया दिली आहे.

आकाश आनंद यांनी रामलल्लाच्या अभिषेकासाठी राष्ट्रपती द्रौपदी मुर्मू यांना निमंत्रित न करणे ही भाजप सरकारची मोठी चूक असल्याचे म्हटले आहे. या समारंभासाठी राष्ट्रपतींना आमंत्रित न करून भाजपने चूक केली आहे. मायावतींच्या पुतण्याने सोशल मीडिया साइटवर म्हटले आहे की, भाजप सरकारने पंतप्रधानांना सर्वोच्च ठेवण्यात मोठी चूक केली आहे.

22 जनवरी 2024 की तारीख भारत के इतिहास में दर्ज हो गई है, और बेहतर होता कि आदिवासी समाज से आने वाली देश की राष्ट्रपति आदरणीय द्रौपदी मुर्मू जी भी कार्यक्रम में मौजूद रहती।

सिर्फ प्रोटोकॉल में प्रधानमंत्री को सर्वोच्च रखने के लिए बीजेपी की सरकार ने बड़ी गलती कर दी।

— Akash Anand (@AnandAkash_BSP) January 22, 2024

मायावती प्राणप्रतिष्ठेला गैरहजर  

बसपा सुप्रीमो मायावती यांना श्री रामजन्मभूमी तीर्थ क्षेत्राने प्राणप्रतिष्ठेला उपस्थित राहण्याचे निमंत्रण दिले होते, बसपा सुप्रिमो यांनीही निमंत्रण मिळाल्याचे सांगितले होते परंतु मायावती या कार्यक्रमाला हजर राहिल्या नाहीत. बसपा हा धर्मनिरपेक्ष पक्ष असल्याचे त्यांनी त्यावेळी निश्चितपणे सांगितले होते. आम्ही सर्वांचे स्वागत करतो, मी व्यस्त नसल्यास मी देखील कार्यक्रमात सहभागी होऊ शकते. यासोबतच बाबरी मशिदीबाबत एखादा कार्यक्रम झाला तर त्याचेही स्वागत करू, असेही त्या म्हणाल्या होत्या.

दरम्यान, बसपा सुप्रिमो यांनी आकाश आनंद यांना त्यांचा उत्तराधिकारी म्हणून घोषित केले आहे. आकाश अनेकदा सोशल मीडियावर सक्रिय असतात. बसपा सुप्रीमो मायावती यांचा त्यांच्यावर खूप विश्वास आहे. याआधीही दिल्लीत संसदेचे उद्घाटन झाले तेव्हा राष्ट्रपती द्रौपदी मुर्मू यांना त्या कार्यक्रमाला आमंत्रित न करण्याबाबत अनेक प्रश्न उपस्थित करण्यात आले होते.